گه‌ڕان

Shadow Shadow
سیاسه‌تی

وتەبێژی سەربازی ئیسرائیل

شەڕی غەزە پەلیهاویشت بۆ لوبنان و موشەك هاویشتن و تۆپباران دەستی پێكرد

2021.05.19 - 16:42
App store icon Play store icon Play store icon
شەڕی غەزە پەلیهاویشت بۆ لوبنان و موشەك هاویشتن و تۆپباران دەستی پێكرد

ناس كورد_

وتەبێژی سەربازی سوپای ئیسرائیل ئەفیغای ئەدرعی ڕایگەیاند چوار موشەكیان لە خاكی لوبنانەوە ئاراستە كراوە، لەوەڵامی ئەوەشدا تۆپخانەی ئیسرائیل وەڵام دەداتەوە. 

کەناڵی ناس کورد لە تێلیگرام جۆین بکە   

 

ئەدرعی لە راگەیەنراوێكی كورتدا كەمێك بەر لەئێستا (19 ئایاری 2021)، ئاشكرایكرد سیستمی بەرگری ئیسرائیل موشەكێكی لە خاكی لوبنانەوە گرتووەتەوە، یەكێكیش لەناوچەیەكی كراوە كەوتووە، دووانیش لەناو دەریای ناوەڕاست. 

هەروەها دەڵێت " تۆپخانەی ئیسرائیل لەوەڵامی ئەو هێرشانەدا هێرش دەكاتە سەر چەند ئامانجێك لە ناو خاكی لوبنان". 

 

ئەم پێشهاتە ئەمنییە لە كاتێكدایە لە ئەسدود و هەندێ شارۆچكەی جولەكەنشینیتر زەنگی ئاگاداركردنەوە لێیداوە بەهۆی نوێبوونەوەی هێرشی موشەكی لە غەززەوە. 

 

بەگوێرەی ڕاپۆرتی ئەی پی بەرپرسانی ئەمەریكا لەم ماوەیە 60 پەیوەندی تەلەفۆنییان لەگەڵ بەرپرسانی ئیسرائیل ئەنجامداوە بەهیوای بەرگرتن لە پەرەسەندنی زیاتری گرژییەكان و ئەگەری ئەوەش هەیە سبەی پێنج شەممە بەبێ هیچ ئەنجامێكی ئەوتۆ ئاگربەستێكی درێژخایەن لەنێوان حەماس و ئیسرائیل بەقەرار بكرێت.