گه‌ڕان

Shadow Shadow
سیاسه‌تی

چەکیان دەکات

هێزێکی حەشدی شەعبی هەڵیکوتایە سەر ئاسایشی خانەقین و کارمەندانیان چەک کردووە

2021.05.17 - 21:57
App store icon Play store icon Play store icon
هێزێکی حەشدی شەعبی هەڵیکوتایە سەر ئاسایشی خانەقین و کارمەندانیان چەک کردووە

ناس کورد-

ئەفسەرێکی باڵای پێشمەرگە بە ناس کوردی ڕایگەیاند، ژمارەیەک چەکداری حەشدی شەعبی لە خانەقین هەڵیان کوتاوەتە سەر بازگەی ئاسایشی "باوە مەحمود" و دواتر چوونەتە ناو شارەکە و نمایشی سەربازییان کردووە. 

کەناڵی ناس کورد لە تێلیگرام جۆین بکە   

 

ئەفسەرێکی باڵای پێشمەرگە لە سنورەکە کە نەیویست ناوی ئاشکرای بکرێت بە "ناس کورد"ی وت، "چەکدارەکانى حەشد کارمەندانی ئاسایشیان لە بازگەکە چەک کردووە و پێیان وتوون ئێوە بڕۆن، دواتر پەیوەندییان پێوە کردوون و وتوویانە وەرنەوە چەکەکانتان وەربگرنەوە، بەڵام ئاسایشەکان نەچوونەتەوە."

 

وتیشى پاساوى هێزەکەى حەشد نمایشى سەربازى بووە لەشارەکە، کە دواى چونە سەر بازگەکە ئەنجامیانداوە.

 

هاوکات میدیای فەرمیی یەکێتیی بڵاویکردەوە، هێزەکەى حەشدی شەعبی "چوونەتەسەر بارەگای مەڵبەندی خانەقینی یەكێتی و بەهەمان شێوە لەسەر دیواری بارەگای مەڵبەندیان نووسیوەو پێشمەرگەیەكی هەوڵگری سەر بەهێزەكانی70یان ڕفاندووە و پاش چەند سەعاتێك و دوای ئەشكەندانی ئازادیان كردووە."

 

دەشڵێت، "دوای نمایشە سەربازییەكەیان لە ناو شاری خانەقین چوونەتە دەرەوەو دۆخەكە ئارام بووەتەوەو مەڵبەندیش لە هەوڵی چارەسەری كێشەكەدایە."

 

بەپێى میدیاى یەکێتى،  "هێزەکەى حەشد لەسەر دیوارەكانی بەشی ئاسایشی خانەقین بە زمانی عەرەبی دروشمی (كلا كلا للارهاب) (نا نا بۆ تیرۆر)یان نووسیوە."