گه‌ڕان

Shadow Shadow
سیاسه‌تی

وردەکاریى

سەرکردەیەکى فەتح: هیچ سەرکردەیەکى عەرەب پەیوەندى بە سەرۆکى فەڵەستینەوە نەکردووە

2021.05.15 - 20:33
App store icon Play store icon Play store icon
سەرکردەیەکى فەتح: هیچ سەرکردەیەکى عەرەب پەیوەندى بە سەرۆکى فەڵەستینەوە نەکردووە

ناس کورد-

ئەمینداری گشتی کۆمیتەی ناوەندی بزوتنەوەی فەتحی فەڵەستینی رایگەیاند، هیچ کام لە سەرکردەکانى عەرەب لەکاتی دەستدرێژیەکانی ئێستای ئیسرائیلدا پەیوەندیان بە مەحمود عەباس سەرۆکى فەڵەستینەوە نەکردەوە.

 

کەناڵی ناس کورد لە تێلیگرام جۆین بکە   

 

جبریل ڕەجوب، ئەمینداری گشتی کۆمیتەی ناوەندی بزوتنەوەی فەتحی فەڵەستین لە چاوپێکەوتنێکیدا لەگەڵ تەلەفزیۆنی فەڵەستین، بەبێ ئەوەى ناویان بێنێت چەند لایەنێکى عەرەبى تۆمەتبار کرد بە تەبابوون لەگەڵ بنیامین ناتانیاهۆ سەرۆک وەزیرانی ئیسرائیل بۆ ئەوەی "دابەشبوونی فەڵەستین" بەردەوام بێت .

 

ڕەجوب، وتیشی "هیچ سەرکردەیەکی عەرەب پەیوەندی بە مەحمود عەباس، سەرۆکى فەڵەستینەوە نەکردووه".

 

پێشتر وەزارەتى تەندروستى فەڵەستین ئامارى کوژراو و بریندارانى هێرشەکانى چەند ڕۆژى رابردووى ئیسرائیلى بۆ سەر کەرتى غەزە و ناوچەکانى دیکەى فەڵەستین راگەیاند.

 

وەزارەتى تەندروستى فەڵەستین (15ى ئایارى 2021) لە راگەیەندراوێکدا ئاماژەى بەوە کرد، هەتا ئێستا 139 کەس گیانیان لەدەستداوە کە لەو ژمارەیە 39 کەسیان منداڵن و 22 کەسى تریان ئافرەتن و هەروەها 1000 کەسیش بەهۆى هێرشەکانەوە بریندار بوون.