گه‌ڕان

Shadow Shadow
سیاسه‌تی

شیكار: هەڵبژاردنێكی بێ پێشینە لە ئێران بەڕێوەیە لەبەر كۆمەڵێك هۆكار

2021.05.14 - 15:21
App store icon Play store icon Play store icon
شیكار: هەڵبژاردنێكی بێ پێشینە لە ئێران بەڕێوەیە لەبەر كۆمەڵێك هۆكار

ناس کورد-

 

بڕیارە لەچەند هەفتەی داهاتوودا هەڵبژاردنی سەرۆكایەتی لە ئێران ئەنجام بدرێت و چاودێرێكی ڕەوشی كاروباری ئەم وڵاتەش چەند هۆكارێك لەبارەی جیاوازییەكانی ئەم قۆناغەی مێژووی سیاسی ئێران لەوانەی پێش خۆی دیاری دەكات. 

کەناڵی ناس کورد لە تێلیگرام جۆین بکە   

 

نوسەر و چاودێری سیاسی مستەفا فەحس لە وتارێكی شیكاریدا كە "ناس كورد" بینیویەتی (14 ئایاری 2021) باس لەوە دەكات گرنگی هەڵبژاردنی ئەمجارە لەوەدایە خۆ ئامادەكردنە بۆ قۆناغی پاش ڕێبەر و نەبوونی كەسایەتییەكی بەهێزە بۆ پڕكردنەوەی جێگەی خامنەیی.



ئاماژەى بۆ ئەوەش کردووە، لەگەڵ سەرهەڵدانى مقۆمقۆى بەئاستەم هەڵبژاردنى جێگرەوەیەک بۆ خامنەیى لەناوەندەکانى بڕیاریدا پێشبینى ئەوە دەکرێت پەناببرێتە بەر پێکهێنانى ئەنجومەنێکى سەرکردایەتى کە لە 3 بۆ 5 کەس پێکبێت.

 

نوسەر باسى لەوەش کردووە، ئەوەى پێدەوترێت دەزگاى ڕابەرى باڵا بۆ هەڵبژاردنى سەرۆکێک زیاتر بەلاى دەزگایەکى ئاینیەوە دایدەشکێنیت کە لەگەڵیدا کۆکبێت و لایەنگرى بکات بۆ هەڵبژاردنى ڕابەرى نوێ لەقۆناغى داهاتوودا  بۆیە چاوکان زیاتر لەسەر پیاوێکى ئاینى نزیک لەماڵى ڕابەرى باڵان ئەویش ئیبراهیم ڕەیسیى سەرۆکى ئەنجومەنى دادوەرییە کە لەهەڵبژاردنى سەرۆکایەتى پێشوو شکستى هێنا و تا ئێستا خۆکاندیدکردنى ڕانەگەیاندووە بۆ ئەوەى پاڵپشتیەکانى بۆ دەزگاى ویلایەتى فەقێ و پاراستنى شکۆ و هەژمونەکانیشى بەردەوام بێت.

 

هەر لەدرێژەى وتارەکەیدا فەحس جەختى لەسەر ئەوەش کردووەتەوە، پێدەچێت دەزگا سەربازییەکانیش لەوانە سوپاى پاسداران بۆ بەدەستخستنى پۆستى ڕابەرى باڵا هەوڵەکانیان چڕبکەنەوە و تا ئێستا 3 کاندیدى دیارى سەر بەو دەزگاییە سەربارى کەسانى ترى سەربەسوپا سیڤى خۆى پێشکەش کردووە .

 

نوسەر دەشڵێت، لەقۆناغەکانى داهاتووشدا سوپاى پاسداران دەتوانێت لەناو دەزگاکانى ڕژێمى ئێراندا پشت بەهێزى و پتەوى خۆى ببەستێت و ئیدارەى کارەکانى بکات بەو پێیەى بڕبڕەى پشتى شۆڕشە و هەروەها پارێزەرى سەروەرییەکانیەتى و گرنگترین کاریش بەلاى دەزگاى بڕیاردانەوە ئەوەیە لەناوخۆیدا هاوکێشەى هەڵبژاردنى سەرۆکێکى بەهێز لەقۆناغى ڕابەرێکى لاوازدا لەبەرژەوەندى خۆى بچەرخێت چونکە لایەنى بەهێز نمایندەى شوناسى ڕەژێمەکە دەکات.

 

لەکۆتایى وتارەکەشیدا فەحس ئەوەى خستووەتە ڕوو، لەمانگى حوزەیرانى داهاتوودا دەبێت کۆمارى ئیسلامى ئێران هەڵبژاردنێکى سەرۆکایەتى بەڕێبکات کە دەکرێت بەگرنگترین قۆناغ لەمێژووى دواى کەوتنى ڕژێمى شا لەساڵى 1979 ەوە وەسفبکرێت نەک تەنها لەبەر هەڵبژاردنى سەرۆک کۆمار بەڵکو لەبەر هەڵبژاردنى پاراستنى شوناس و ڕژێمەکە کە ئەویش دەکەوێتە بەر ڕێکەوتنى نێوان دەزگاى ئاینى (ویلایەتى فەقێ ) کە دەیەوێت شکۆى خۆى بپارێزێت و هەروەها دەزگاى سەربازى کە لەهەناویدا ڕژێمەکە دەتوێتەوە.