گه‌ڕان

Shadow Shadow
سیاسه‌تی

160 فڕۆکە و 450 موشەک..وردەکاریی موشەکبارانکردنى غەزە لە 40 خولەکدا

2021.05.14 - 12:34
App store icon Play store icon Play store icon
160 فڕۆکە و 450 موشەک..وردەکاریی موشەکبارانکردنى غەزە لە 40 خولەکدا

ناس کورد-

 

160 فڕۆکەى ئیسرائیلى کە 450 موشەکیان هەڵگرتبوو درەنگانى شەوى رابردوو لە نزیکەى 40 خولەکدا 150 پێگەیان لەغەزە بۆردومانکرد، لەبەرانبەریشدا لەغەزەوە  دەیان موشەک ئاڕاستەى ئیسرائیل کران.

کەناڵی ناس کورد لە تێلیگرام جۆین بکە   

 

سوپاى ئیسرائیل ئەمڕۆ هەینى لەبەیاننامەیەکدا رایگەیاند، لە نیوە شەوى رابردووەوە نزیکەى 160 فڕۆکە لەشەش بنکەى ئاسمانیەوە هێرشیان کردووەتەسەر 150 ئامانج لەژێر زەویدا لەغەزە لەماوەى نزیکەى 40 خولەکدا و نزیکەى 450 موشەکیان بەکارهێناوە.

May be an image of standing and outdoors

لەبەرانبەردا کەتائیبى قەسام و سەرا قودس رایانگەیاند، شەوى رابردوو دەیان موشەکیان ئاڕاستەى چەندین شارى ئیسرائیل کردووە، کە دیارترینیان تەلئەبیب و عەسقەلان و سدیروت بوون.

May be an image of outdoors

بەپێی بەیاننامەیەکى کەتائیبى قەسام سەر بەبزوتنەوەى حەماس، بۆ یەکەمجار موشەکەکانیان گەیشتووەتە باشورى ئیسرائیل و مەوداى 250 کیلۆمەتریان بڕیوە، بە درۆنى بۆمبڕێژکراویش سەربازانى ئیسرائیلیان لەسەر سنورى غەزە بەئامانج گرتووە.

May be an image of outdoors

بەپێی دانپێدانانى سوپاى ئیسرائیل، تا ئێستا نزیکەى دوو هەزار موشەک لەغەزەوە ئاڕاستەى ئیسرائیل کراوە، کە 190 موشەکیان شەوى رابردوو ئاڕاستەکراون و بوونەتە هۆى کوژرانى 9 کەس و برینداربوونى 130 دیکە.

 

لاى خۆیەوە، لەڕاگەیەنراوێکدا کە ئەمڕۆ هەینى ( 14ى ئایارى 2021) بڵاوى کردووەتەوە وەزارەتى تەندروستى فەڵەستین دەڵێت، لە سەرەتاى  هێرش و بۆردومانەکانى ئیسرائیل تائێستا بۆ سەر کەرتى غەزە و چەند ناوچەیەکى تر 119 کوژراوى لێکەوتووەتەوە.

 

ئاماژەى بۆ ئەوەشکردووە، لەنێو کوژراوەکانیشدا 31 کەسیان منداڵن و 19 ژنن و 820 کەسیى دیکەش برینداربوون.