گه‌ڕان

Shadow Shadow
سیاسه‌تی

بەپەلە

مستەفا کازمی پەیوەندی بە سەرۆکی فەڵەستینەوە کرد.. کازمی چی وت؟

2021.05.13 - 15:09
App store icon Play store icon Play store icon
مستەفا کازمی پەیوەندی بە سەرۆکی فەڵەستینەوە کرد.. کازمی چی وت؟

ناس کورد- 

مستەفا کازمی، سەرۆک وەزیرانی عێراق پەیوەندی بە سەرۆکی فەلەستینەوە کرد و جەختی لە هەڵوێستی نەگۆڕی عێراق بەرامبەر پرسی فەڵەستین کردەوە، ڕاشیگەیاند، بەتوندترین شێوە ئیدانەی هێرشەکانی ئیسرائیل دەکەن بۆسەر گەلەکەیان لە قودس و غەزە.

کەناڵی ناس کورد لە تێلیگرام جۆین بکە   

 

نوسینگەی ڕاگەیاندنی سەرۆک وەزیرانی عێراق (پێنجشەممە 13ی ئایاری 2021) ڕایگەیاند، "مستەفا کازمی لەڕێگەی پەیوەندیی تەلەفۆنییەوە لەگەڵ مەحمود عەباس، سەرۆکی فەڵەستین گفتوگۆی کردووە و تیایدا جەختی لە هەڵوێستی نەگۆڕی عێراق کردەوە بەرامبەر پرسی گەلی فەڵەستینی."

 

بەگوێرەی ڕاگەیەنراوەکە کازمی ئاماژەی بەوەشکردووە، "عێراق پارێزگاری لە پێگە و هەڵوێستی مێژوویی خۆی لە پشتگیرکردنی گەلی فەڵەستین دەپارێزێت و بەتوندی ئیدانی هێرشەکانی سەر گەلەمان لە فەڵەستین دەکەین هەم لە قودس و هەمیش لە غەزە."

 

جەختیشیکردووەتەوە، هەروەها دەستبردن بۆ مافى مێژوویى خاکى فەلەستین ڕەتدەکاتەوە، کە چەندین نەوەى تێکۆشەر و شەهیدانى بەرگرى لە پێناویدا هەوڵیانداوە.

 

هاوکات سەرۆکى ئەنجومەنى وەزیران دەستخۆشى لەو هەڵوێستە شەرەفمەندانە کرد کە گەلى فەلەستین ئەمڕۆ پێى هەڵدەستن، هەروەها دەستخۆشى لە خۆڕاگرییان و توانایان لەپێناو بەدیهێنانى دەوڵەتەکەیان لەسەر خاکەکەیان کە پایتەختەکەى قودسى شەریفە دەکات.

 

بەگوێرەی ڕاگەیەنراوەکە، لای خۆیەوە مەحمود عەباس، سەرۆکی فەڵەستین، سوپاسی مستەفا کازمی کرد و باوەڕی قوڵی خۆی بەو پەیوەندییە مێژووییانە دەربڕی کە عێراق بە فەلەستینەوە دەبەستنەوە و  متمانەی خۆی بە گەلی عێراق دووپاتکردەوە کە هەمیشە پشتیوان و پاڵپشتی خەباتی گەلی فەلەستین بوون.