گه‌ڕان

Shadow Shadow
سیاسه‌تی

زانیاریی زیاتر

ئەردۆغان: بەرگری کردن لە قودس ئەرکی سەر شانی هەموو مسوڵمانێکە

2021.05.13 - 11:42
App store icon Play store icon Play store icon
ئەردۆغان: بەرگری کردن لە قودس ئەرکی سەر شانی هەموو مسوڵمانێکە

ناس کورد- 

ڕەجەب تەیب ئەردۆغان، سەرۆک کۆماری تورکیا لە پەیامێکدا ڕایگەیاند،  پاراستنی شکۆی قودس و بەرگریکردن لەو شارە ئەرکی سەر شانی هەموو مسوڵمانێکە لە ئیستانبوڵ، دیاربەکر، بەغدا، قاهیرە، ئیسلامئاباد، جاکارتا، کوالالامپوور، تا باکۆ و سەرای بۆسنا.

کەناڵی ناس کورد لە تێلیگرام جۆین بکە   

 

ئەردۆغان، لە هەژماری تایبەتی خۆی لە تۆڕی کۆمەڵایەتی تویتەر (پێنجشەممە 13ی ئایاری 2021) ایگەیاند، " بەرگریکردن لە قودس لەپاڵ دانیشتووانی ئەو شارەدا ئەرکی سەر شانی سەرجەم موسوڵمانان و هەموو ئەوانەیە کە لە شاری مەککە بە دەوری کەعبە تەواف دەکەن و لە شاری مەدینە زیارەتی گۆڕی پێغەمبەرمان (د.خ) دەکەن. " 

 

ئاماژەی بەوەشکردووە، "وەستانەوە لە دژی ئەم پەلامارانە ئەرکی سەرشانی هەر موسوڵمانێکی ئیستانبوڵ، دیاربەکر، بەغدا، قاهیرە، ئیسلامئاباد، جاکارتا، کوالالامپوور، باکو و سەرای بۆسنا-یە".

 

ئەردۆغان باسی لەوەش کردووە، وڵاتەکەی وەک هەمیشە پشتیوانی لە قودس و دۆزی فەڵەستین دەکات و دەیەوێت بەزووترین کات تەواوی فشار و پەلامارەکان بۆسەر قودس و فەڵەستینییەکان بوەستێندرێن.

 

ئەوەشی خستووەتەڕوو، "داوا لە هەموو جیهان بەگشتی و وڵاتانی ئیسلامی بەتایبەتی دەکەین، دژ بەو هێرشانەی دەکرێنە سەر مزگەوتی ئەقسا و فەڵەستینییەکانی قودس، هەڵوێستی جددی بنوێنن، پاراستنی شکۆی قودس ئەرکی سەر شانی هەموو مسوڵمانێکە".