گه‌ڕان

Shadow Shadow
سیاسه‌تی

وردەکاریى

ئەمەریکا بەشێک لە تیمی فرۆکەی ئێف 16 دەکشێنێتەوە بۆ هەرێمی کوردستان

2021.05.11 - 14:32
App store icon Play store icon Play store icon
ئەمەریکا بەشێک لە تیمی فرۆکەی ئێف 16 دەکشێنێتەوە بۆ هەرێمی کوردستان

ناس کورد-

 کۆمپانیای لۆکهید مارتنی ئەمەریکی بریاریدا تیمەکانی چاکردنەوەی فڕۆکەی ئێف 16 لە فرۆکەخانەی بەلەدی سەربازی لە عێراق بکشێنێتەوە و بەشێک لەئەندامانی تیمەکە ڕەوانەی هەولێر بکات و لەوێ جێگیریان بکات.

 

کەناڵی ناس کورد لە تێلیگرام جۆین بکە   

 

رۆژنامەی"نیویورک تایمز"ی ئەمەریکی (11ی ئایاری 2021) بڵاویکردەوە، کۆمپانیا ئەمەریکییەکە لەڕاگەیەندراوێکدا لەسەر زاری جۆزیف لامارکا جۆنیۆر، بەرپرسی پەیوەندییەکانی کۆمپانیاکە ئەوەی ڕاگەیاندووە "بەمەبەستی پاراستنی گیانی ئەندامانی تیمی چاکردنەوەی فڕۆکەی جەنگیی ئێف 16ی عێراقی لە فرۆکەخانەی بەلەدی سەربازی بریارمانداوە تیمەکە بکشێنینەوە لەو بنکە سەربازییە و بەشێکیان ڕەوانەی هەولێر بکەین".

 

ئاماژەی بەوەشکرد "ژمارەی ئەندامانی تیمەکە 70 کەسن، بە هەماهەنگی لەگەڵ حکومەتی ئەمەریکا 50 کەسیان دەگەرێنێنەوە بۆ وڵات و 20 ئەندامی دیکەش ڕەوانەی هەولێر دەکەین و لەوێ جێگیر دەکرێن".

 

کشانەوەی تیمە ئەمەریکییەکە لە فرۆکەخانەی سەربازی بەلەد لە پارێزگای سەڵاحەدین دوای ئەوە هاتووە کە پێشتر بەرپرسێکی باڵای وەزارەتی بەرگریی عێراق ئەوەی ئاشکراکرد بوو "کە بەئامانج گرتنی ئەو بنکە سەربازییە لەلایەن گروپە چەکدارەکانی نزیک لە ئیران و بۆردومان کردنی بەموشکی کاتیوشا ئەمەریکا ناچار کردووە تیمی چاکردنەوەی فرۆکەی ئێف 16ی عێراقی لە فرۆکەخانەی سەربازی بەلەد بکشێنێتەوە بۆ هەولێر".

 

جۆنیۆر، ئەوەشی وتووە "کشانەوەی تیمەکە چەند مانگێک درێژە دەخایەنێت، دوای نەمانی مەترسییەکان و هێور بوونەوەی دۆخەکە، تیمەکە دەگەڕێتەوە".

 

دوای کشانەوەی سوپای ئەمەریکا، عێراق لەساڵی 2011دا فرۆکەی جەنگی ئیف16ی لە ئەمەریکا کڕی.