گه‌ڕان

Shadow Shadow
سیاسه‌تی

وردەکاریی زیاتر

گەشتوگوزاری سلێمانی ڕەخنە دەگرێت: حکومەت هەر جارەو بڕیارێک دەردەکات

2021.05.10 - 23:11
App store icon Play store icon Play store icon
گەشتوگوزاری سلێمانی ڕەخنە دەگرێت: حکومەت هەر جارەو بڕیارێک دەردەکات

ناس کورد- هەڤاڵ فەتاح

بەڕێوەبەرایەتى گەشتوگوزاری سلێمانی ڕایگەیاند، لە ڕۆژانی جەژندا هیچ ئامادەکارییەکیان بۆ پێشوازیکردن لە گەشتیارانی ناوەڕاست و باشوری عێراق نەکردووە، بەهۆى ناڕوونی بڕیارەکانی حکومەتەوە کە گرفتی بۆ کارەکانیان دروستکردووە.

کەناڵی ناس کورد لە تێلیگرام جۆین بکە   

 

ئارام شوانی، وتەبێژی بەڕێوەبەرایەتییەکە (10ی ئایاری 2021) لە لێدوانێکیدا بۆ "ناس کورد" ئاشکرایکرد، "ئەمساڵ هیچ ئامادەکارییەکمان بۆ پێشوازی لە گەشتیاران بەشێوەیەکی گشتیى و گەشتیارانی شارەکانی ناوەڕاست و باشوری عێراق نەکردووە، هاتنی ئەو گەشتیارانە هیچ پەیوەندییەکی بە ئێمەوە نییە".

 

وتیشی، "بریارەکانی حکومەت لەبارەی قەدەغەکردنی هاتنی گەشتیاران لە شارەکانیی عێراق ناڕوونە، هەر جارەو بڕیارێک دەردەکات".

 

ئارام شوانى ڕوونیکردەوە، "لە ماوەی چەند ڕۆژی ڕابردوودا هەرچی بڕیارهەیە لەبارەی ڕێکارەکانی بەرگرتن لە بڵاوبوونەوەی پەتای کۆرۆنا هەڵوەشاوەتەوە یان ئاسانکاریی بۆ کراوە کە ئەوەش وایکردووە ئێمە نەزانیین بە چ شێوەیەک مامەڵە لەگەڵ دۆخەکەدا بکەین".

 

باسى لەوەشکرد، "لە دوایین بریاردا دەرفەت دراوە بە گەشتیاران بە شێوەیەکی سەربەخۆ وهەرەمەکی سەردانی شوێنە گەشتیارەکان بکەن و ڕێگرییان لێ نەکرێت".

 

ئارام شوانى جەختی کردەوە، بۆیە ئەمساڵ هیچ پەیوەندییەکیان بەهاتنی گەشتیارانەوە نییە و هیچ لیژنەیەکیان بۆ پێشوازیکردنیان پێک نەهێناوە، هاوشێوەی ساڵانی ڕابردوو هیچ بڵاوکراوەیەکیان چاپ نەکردووە بەمەبەستى بەبازارکردنی شوێنە گەشتیارییەکان.


لەبارەی ئاماری ئەو گەشتیارانەی کە پێش جەژنی ڕەمەزان سەردانی پارێزگای سلێمانیان کردووە وتەبێژەکەی گەشتوگوزاریی سلێمانی وتی "هێشتا زووە بۆ وەرگرتنی داتا وئامار، دوو ڕۆژ پێش جەژن و سێ ڕۆژی جەژن و دوو ڕۆژ دوای جەژن ئاماری تەواومان دەست دەکەوێت، ئەوکات میدیاکانی لێ ئاگادار دەکەینەوە".