گه‌ڕان

Shadow Shadow
سیاسه‌تی

زانیاریی زیاتر

تەندروستیی جیهانی هۆکاری بڵاوبوونەوەی بەلێشاوی کۆرۆنا لە هندستان ئاشکرا دەکات

2021.05.09 - 09:36
App store icon Play store icon Play store icon
تەندروستیی جیهانی هۆکاری بڵاوبوونەوەی بەلێشاوی کۆرۆنا لە هندستان ئاشکرا دەکات

ناس کورد- 

زانایانی ڕێکخراوی تەندروستیی جیهانی ئاشکرایانکرد، هۆکاری  بڵاوبوونەوەی بە لێشاوی ڤایرۆسی کۆرۆنا لەوڵاتی هندستان دەگەرێتەوە بۆ ئەو توخمە نوێیە کە لەو وڵاتە بڵاوبووەتە کە خێرایی بڵاوبوونەوەی و مەترسییەکەی زۆر جیاوازترە لەتوخمەکانی پێشووتر، ئاماژەیان بەوەشکردووە، ڤاکسینەکان کەمتر توانای بەرەنگاربوونەوەی ئەو توخمە نوێیان هەیە.

کەناڵی ناس کورد لە تێلیگرام جۆین بکە   

 

ئاژانسی هەواڵیی " ڕۆیتەرز" (یەکشەممە 9ی ئایاری 2021) لە زاری سومیا سوامینتاسان، گەورە شارەزای ڕێکخراوی تەندروستیی جیهانی بڵاویکردەوە، " ئەو توخمەی کۆرۆنا کە لەهندستان بڵاوبووەتەوە لە جۆری ( بی یەک  617یە و لەمانگی تشرینی یەکەمی  ساڵی رابردوودا بۆ یەکەم جار لەو وڵاتە دۆزارەوەتەوە و لە توخمەکانی دیکەی ڤایرۆسەکە زۆر کوشندەترە و بەشێویەکی زۆر خێرا بڵاودەبێتەوە و ڤاکسینەکان کەمتر گاریگەریان هەیە لەسەری". 

 

شارەزاکەی ئەو ڕێکخراوە جیهانییە ئەوەشی ڕوونکردووەتەوە، " سەرباری ئەوەی کە ئەو توخمە زۆر بەخێرایی بڵاودەبێتەوە، حکومەتی هندستانیش کەمترخەم بووە لە گرتنەبەری ڕێکارەکانی بەرەنگاربوونەوەی ڤایرۆسەکە  وڕێگەی داوە بەکۆبوونەوەی بێ سنوری خەڵک کە ئەوەش وایکردووە ژینگەیەکی لەبار بۆ ڤایرۆسەکە بڕەخسێنێت".

 

سوامینتاسان هۆشداریی ئەوەشی داوە، " ئەگەر حکومەتی هندستان لەماوەیەکی کورتدا نەتوانێت نزیکەی 70 بۆ 80%ی دانیشتووانەکەی بە ڤاکسینی دژە کۆرۆنا بکوتێت، ئەوا بڵاوبوونەوەی نەخۆشییەکە زۆر زیاتر دەبێت و چەند مانگێک بەوشێوەیە بەردەوام دەبێت". 

 

بەگوێرەی داتاکانی وەزارەتی تەندروستیی هندستان، تائێستا لە 2%ی هاووڵاتیانی بە ڤاکسینی کۆرۆنای کوتاوە، لەکاتێکدا دوێنێ یەکشەممە 8ی ئایار،  زیاتر لە چوار هەزار کەس بەڤایرۆسەکە مردوون و نزیکەی 400 هەزار کەسی دیکەش توشی پەتاکە بوون.