گه‌ڕان

Shadow Shadow
سیاسه‌تی

بەپەلە

ئەو کەسانەى دەستیان لە تەقینەوەکەى مەیدانى تەیەرانى بەغدا هەبوو کوژران

2021.05.08 - 23:26
App store icon Play store icon Play store icon
ئەو کەسانەى دەستیان لە تەقینەوەکەى مەیدانى تەیەرانى بەغدا هەبوو کوژران

ناس کورد-

دەزگاى دژە تیرۆرى عێراق ئاشکرایکرد، ئەو کەسانەى دەستیان لە تەقینەوەکانى مەیدانى تەیەران هەبووە لە ناوەڕاستى شارى بەغدا، کە بووە هۆى کوژرانى 32 کەس و برینداربونى زیاتر لە 100 کەسى تر، لە هێرشێکى ئاسمانیدا بۆ سەر بارەگاکەیان کوژراون.

کەناڵی ناس کورد لە تێلیگرام جۆین بکە   

 

صەباح نوعمان، وتەبێژى دەزگاى دژە تیرۆرى عێراق (8ى ئايارى 2021) بە ئاژانسى هەواڵى فەرمى عێراقییەى وتووە، لە پرۆسەیەکى تایبەتدا لە ناوچەى ڕزوانییە مۆڵگەیەکى چەکدارانى داعش وێرانکراوە کە بارەگاى بەناو ولایەتى کەرتى باشور بووە و ژمارەیەک تیرۆرستى تێدا بوو لەسەر ئاستى باڵاى سەرکردایەتى، لەنێویاندا بەرپرسى گشتى ئیداریى، بەرپرسى سەربازى و والى شەرعى کەرتى باشور.

 

ڕونیشیکردووەتەوە، ئەو تیرۆرستانە بەرپرس بوون لە داڵدەدانى ئەو دوو کەسەى لە مەیدانى تەیەرانى ناوەڕاستى شارى بەغدا خۆیان تەقاندەوە و لەو بارەگایەوە ئامادەکرابوون و نێردرابوون.

 

وتەبێژى دژە تیرۆرى عێڕاق جەختیلەوەشکردووەتەوە، پرۆسەکە لەسەر زانیارى وردى هەواڵگرى دەزگاکە بووە و دراوە بە هاوپەیمانى نێودەوڵەتى لە ڕێگەى بۆردومانى ئاسمانییەوە لێیان دراوە، دواى پشکنین دەرکەوتووە لەناو کوژراوەکاندا ژمارەیەک چەکداری کەرتى باشورى ڕێکخراوەکە هەیە.

 

لاى خۆیەوە لیوا یەحیا ڕەسوڵ، وتەبێژى فەرماندەى گشتى هێزە چەکدارەکانى عێراق ڕۆژى پێنجشەممەى ڕابردوو باسى لەوەکردبوو، 3 تیرۆرست کوژراون کە ئەو خۆکوژانەیان گواستبوەوە کە لە مەیدانى تەیەران خۆیان تەقاندەوە.