گه‌ڕان

Shadow Shadow
سیاسه‌تی

زانیاریی زیاتر

هۆشدارییەک لە ئەنجومەنی سەرتاسەری مامۆستایانی ناڕازییەوە

2021.05.06 - 22:22
App store icon Play store icon Play store icon
هۆشدارییەک لە ئەنجومەنی سەرتاسەری مامۆستایانی ناڕازییەوە

ناس کورد- 

ئەنجومەنی سەرتاسەری مامۆستایانی ناڕازی پەیامێکی لەبارەی سزادراوانی بادینان بڵاوکردەوە و داوادەکات، بڕیارەکە هەڵبوەشێتەوە و سەرجەم دەستگیرکراوان بۆ جەژن ئازاد بکرێن، دەشڵێت، بەپێچەوانەوە یەکەم ڕۆژی جەژن کاتژمێر ١٠ی سەرلەبەیانی لە سەرجەم شارو شارۆچکەکان لەسەر شەقام دەبن. 

کەناڵی ناس کورد لە تێلیگرام جۆین بکە   

 

دەقی ڕاگەیەنراوەکە: 

 

لە ئەنجومەنی سەرتاسەری مامۆستایانی ناڕازییەوە

وەک هەمووان ئاگادارن دادگای تەمیز بڕیارێکی ستەمکارانەی دەرحەق بەدەستگیرکراوانی بادینان پەسەندکرد، خراپترین و زاڵمترینی کاربەدەستەکان لە کاتی نزیک بوونەوەی جەژن و بۆنەکان بڕیاری لێبوردن بۆ تاوانباران دەردەکەن، بەو بڕیارەیان بەرامبەر بە ژمارەیەک مرۆڤی بێتاوان ، دەسەڵاتداران سەلماندیان لە زاڵمترینی  سیستەمی حکومڕانی سەرزەوی خراپترن.

 

بۆیە لەم ڕوانگەیەوە داوادەكەین

١ـ بڕیاری ستەمکارانەی دادگای تەمیز دەرحەق بە دەستگیراوانی بادینان هەڵبەوەشێتەوە و دەستگیرکراوان ئازاد بکرێن .

 

٢- داواکارین ئەو دەستگیرکراوانەی دادگایی نەکراون، لەگەڵ مامۆستا بەدەل بەرواری  ،پێش جەژنی ڕەمەزانی پیرۆز ئازاد بکرێن ئەگەر بە کەفالەتیش بێت بۆ ئەوەی جەژن لەناو ماڵ و منداڵیاندا بکەن .

 

لە کۆتاییدا ڕای دەگەیەنین

لە ئەگەری جێ بەجێ نەکردنی داواکارییەکانمان و ئازاد نەکردنی دەستگیرکراوان، ئێمەش یەکەم ڕۆژی جەژن کاتژمێر ١٠ی سەرلەبەیانی لە سەرجەم شارو شارۆچکەکان لەسەر شەقام دەبین .

       ئەنجومەنی سەرتاسەری مامۆستایانی ناڕازی