گه‌ڕان

Shadow Shadow
سیاسه‌تی

وردەکاریى زیاتر

کۆمسیۆن پڕۆسەى ڕیزبەندکردنى ناوى کاندیدەکانى دەستپێکرد

2021.05.06 - 09:09
App store icon Play store icon Play store icon
کۆمسیۆن پڕۆسەى ڕیزبەندکردنى ناوى کاندیدەکانى دەستپێکرد

ناس کورد-

کۆمسیۆنى باڵاى سەربەخۆى هەڵبژاردنەکانى عێراق ئاشکرایکرد، ناوەڕاستى مانگى تەموز تاقیکردنەوەى پرۆسەى هەڵبژاردن بە ئامادەبوونى چاودێرانى نێودەوڵەتى ئەنجام دەدرێت، هەروەها لە ئێستادا گەیشتوونەتە قۆناغى ڕیزبەندیکردنى ناوى پاڵێوراوان.

 

کەناڵی ناس کورد لە تێلیگرام جۆین بکە   

 

جومانە غلاى وتەبێژى کۆمسیۆنى باڵاى سەربەخۆى هەڵبژاردنەکانى عێراق (6ى ئايارى 2021) لە لێدوانێکدا بە ئاژانسى هەواڵى فەرمى عێراقى وتووە، کۆمسیۆن ئامادەکارى دەکات بۆ ئەنجامدانى تاقیکردنەوەى پرۆسەى هەڵبژاردن بۆ  زیاتر لە یەک جار، لە پرۆسەکەدا دەنگدان ئەنجام دەدرێت بۆ دڵنیابوونەوە لە وردى و خێرایى و پاکى ئامێرەکان.

 

ڕونیشیکردووەتەوە، ئەو تاقیکردنەوەیە لە ناوەڕاستى مانگى تەموز ئەنجام دەدرێت و نەتەوە یەکگرتووەکان و دامەزراوە نێودەوڵەتیەکان بۆ ڕێکخستنى هەڵبژاردن و چاودێرانى نێودەوڵەتى و ڕاگەیاندنەکان و نوێنەرى حزبەکان و چاودێرانى ناوخۆیى ئامادە دەبن.

 

جومانە غلاى لە بەشێکى ترى قسەکانیدا باسى لەوەکردووە، گرنگى کۆمسیۆن لەسەر پاکى و شەفافیەتى هەڵبژاردن دەبێت، ئەوەش لە ڕێگەى بەشدارى پێکردنى سەرجەم ئەو دەنگدەرانەى کە کارتى بایۆمەترى و کارتى کورت مەودایان هەیە، کە کارتێکى پاک و پارێزراوە و ناتوانرێت هاک بکرێت.

 

جەختیلەوەشکردووەتەوە، هەروەها ئامێرەکانى وردبینى و خێراکردنى ئەنجامەکان و سەرجەم ئامێرەکانى تر پرۆسەى هەڵبژاردن متمانە پێکراون و ناتوانرێت هاک بکرێن.

 

سەبارەت بە قۆناغەکانى ئامادەکارى بۆ هەڵبژاردن وتەبێژى کۆمسیۆنى هەڵبژاردنەکان وتى، لە ئێستادا لە قۆناغى ڕیزبەندیکردنى ناوى پاڵێوراوەکانین بۆ دڵنیابوونەوە لێیان، دواتر دەنێردرێن بۆ دەستەى نیشتمانى بۆ لێپێچینەوە و دادوەریى و دەستەى نەزاهە و بەڵگە و تاوان و وەزارەتى پەروەردە و فێرکردن، ئەوەش لەپێناو دڵنیابوونەوە لە شایستەییان، ژمارەى پاڵێوراوان 3523 کەسن و ئەوەش ژمارەى کۆتایى نییە، تا ئەو کاتەى کە لەلایەن کۆمسیۆنەوە ڕەزامەندییان لەسەر دەدرێت ئەوەش دواى لێکۆڵینەوەکان.