گه‌ڕان

Shadow Shadow
سیاسه‌تی

وردەکاری

کۆرۆنا دزەی کردووەتە ناو باخچەی ئاژەڵانی هیندستانیش

2021.05.04 - 22:24
App store icon Play store icon Play store icon
کۆرۆنا دزەی کردووەتە ناو باخچەی ئاژەڵانی هیندستانیش

ناس کورد-

لە هيندستان ڤايرۆسى كۆرۆنا تەنها خەڵكەكەى هەراسان نەكردووە، بەڵكو دزەى كردووەتە ناو باخچەى ئاژەڵانيش و تائێستاش ژمارەيەك شێر توشبوون.

کەناڵی ناس کورد لە تێلیگرام جۆین بکە   

 

حكومەتى هيندستان (4ى ئايارى 2021) بڵاويكردووەتەوە، ڤايرۆسى كۆرۆنا ئاژەڵانيشى گرتووەتەوە و لە يەكێك لە باخچەكانى ئاژەڵاندا هەشت شێرى ئاسيايى تووشى ڤايرۆسەكە بوون.

 

ڕوونيشكراوەتەوە، بەڵام تائێستا هيچ ئاماژە و بەڵگەيەك لەسەر ئەوە نييە كە گيانداران ڤايرۆسەكە بگوازنەوە بۆ مرۆڤ.

 

بەپێى سەرچاوەكانى هەواڵى هيندستان، باخچەى ئاژەڵانى ولايەتى حەيدەر ئاباد نمونەى وەرگيراوى گياندارەكانى داوەتە تاقيگە حكومييەكان، ئەوەش دواى ئەوەى نيشانەى تەنگەنەفەسى لەو شێرانەدا دەركەوتووە، بەهۆى ئەوەشەوە باخچەكە داخراوە.

 

لەلايەكى ترەوە وەزارەتى ژينگە و دارستانەكان و گۆڕانكارى كەشوهەواى هيندستان بڵاويكردووەتەوە، ساڵى پێشتريش ئەوە سەلمێنرا كە گيانداران تووشى ڤايرۆسى كۆرۆنا دەبن و لە چەند ناوچەيەكى جيهان ڕوويداوە، بەڵام هيچ بەڵگەيەك نييە بۆ ئەوەى بۆ مرۆڤى بگوازێتەوە.

 

توشبووى گيانداران لە هيندستان بە پەتاى كۆرۆنا لەكاتێكدايە، ئەو ڤايرۆسە ئەو وڵاتەى هەراسان كردووە و تائێستا زياتر لە 20 مليۆن توشبووى تۆمار كردووە، ئەوەش سەرەڕاى ئەوەى باس لەوەدەكرێت كە ئامارەكان زۆر لەوە زياترن.