گه‌ڕان

Shadow Shadow
سیاسه‌تی

ناوەندی گەردونناسیی نێودەوڵەتی یەکەمی ڕۆژی جەژنی دیاری کرد

2021.05.04 - 21:07
App store icon Play store icon Play store icon
ناوەندی گەردونناسیی نێودەوڵەتی یەکەمی ڕۆژی جەژنی دیاری کرد

ناس کورد-

ناوەندی گەردونناسیی نێودەوڵەتی یەکەم ڕۆژی جەژنی ڕەمەزانی پیرۆزی لە زۆربەى وڵاتانی ئیسلامی دیاری کرد کە ڕۆژی 13ی ئایاری 2021ـە.

کەناڵی ناس کورد لە تێلیگرام جۆین بکە   

 

ناوەندیی گەردونناسى نێودەوڵەتى (4ى ئايارى 2021) لە ڕاگەیەنراوێکدا بڵاويكردووەتەوە، زۆرينەى وڵاتانى ئيسلامى ڕۆژى سێشەممە 11ى ئايار هەوڵى بينينى مانگ دەدەن، بەڵام هەندێك دەوڵەتى تر 12ى ئايار هەوڵى بينينى دەدەن.

 

ڕوونيشكراوەتەوە، ئەوەش بەهۆى ئەوەى ڕۆژێك درەنگتریان وەك يەكەم ڕۆژى مانگى ڕەمەزان ديارى كردووە، بۆ نمونە دەوڵەتەكانى هیندستان، بەنگلاديش، پاكستان، ئێران، عومان و مەغريب و چەندين دەوڵەتى ترى ئيسلامى ئەفريقى و لەوانەيە يەكەم ڕۆژى جەژنيان پێنجشەممە ياخود هەينى بێت.

 

ڕوونيشكراوەتەوە، ئەو دەوڵەتانەى ڕۆژى سێشەممە هەوڵى بينينى مانگ دەدەن، بينينى ئەستەمە لە سەرجەم دەوڵەتانى ئيسلامى، ئەوەش بەهۆى ئەوەى مانگ پێش خۆر ئاوا دەبێت، بۆيە مانگى ڕەمەزان 30 تەواو دەبێت و ڕۆژى پێنجشەممە (13ی ئایاری 2021( يەكەم ڕۆژى جەژنى ڕەمەزان دەبێت.

 

ناوەندەكە جەختی لەوەشكردووەتەوە، سەبارەت بەو دەوڵەتانەى كە ڕۆژى چواشەممە هەوڵى بينينى مانگ دەدەن، ئەگەرى بينينى هەيە بە تەلسكۆب ئەويش لە ڕۆژهەڵاتى جيهانى ئيسلامى و دەوڵەتە عەرەبييەكانى ئاسيا و لە ئەوروپا، هەروەها لە زۆربەى ناوچەكانى كيشوەرى ئەفريقا و ئەمريكاى باشور دەتوانرێت مانگ بەچاوى ئاسايى ببينرێت بەڵام بە ئەستەم، بەڵام لە زۆرينەى ناوچەكانى ئەمريكا و ئەمريكاى ناوەڕاست و باكورى ئەمريكاى باشور دەتوانرێت زۆر بەئاسانى بەچاو ببينرێت.

 

ئەوەش هاتووە، بۆيە پێشبينى ئەوە دەكرێت لە زۆربەى ئەو وڵاتانەش يەكەم ڕۆژى جەژن پێشنجشەممە 13ى ئايار بێت، بەڵام لە هەندێكى 14ى ئايار دەبێت وەك، پاكستان و برۆناى چونكە مانگ بەچاو نابينرێت لە ڕۆژى چوارشەممەدا.

 

شێخ عەبدوڵڵا ئەلمەنیع ئەندامی دەستەی گەورە زانایانی سعودیە و ڕاوێژكار لە دیوانی شاھانە، جەختیكردەوە بەپێی حساباتی فەلەكی مانگی رەمەزانی ئەم ساڵ 30 رۆژی تەواو دەبێت.  

  

رۆژنامەی "سبق"ی ئەلەكترۆنی سعودی لەزاری ئەلمەنیعەوە بڵاویكردەوە "رەمەزانی ئەم ساڵ 1442 كۆچی بەپێی شەرع سەلمێنراوە كە رۆژی سێشەممە، 13ی نیسانی 2021 دەستیپێكردووە و ژمارە رۆژەكانی 30 رۆژن".  

ئەلمەنیع باسی لەوەشكردووە، دەستپێكردنی مانگی شەوال دەكەوێتە ئێوارەی ڕۆژی سێشەممە رێكەوتی 29 رەمەزان 1442ی كۆچی، بەڵام مانگ پێش خۆر ئاوا دەبێت بە 13 خولەك و ئەگەری بینینی نییە.  

  

هەروەها دەڵێت"شەوی 12ی ئایار دوا رۆژی مانگی رەمەزان دەبێت و رۆژی چوارشەممە رۆژی تەواوكەری رەمەزانێكی 30 رۆژی دەبێت، بۆیە رۆژی پێنجشەممە، رێككەوتنی 13ی ئایاری 2021 زاینی یەكەم رۆژی مانگی شەوالە كە دەكاتە جەژنی رەمەزان.  

 

پەیمانگای تویژینەوە فەلەكییەكانی نیشتمانی میسر كە دەزگایەكی حكومییە ئاشكرایكرد بەپێی حساباتی ئەوان پێشبینی دەكرێت رۆژی پێنج شەممە (13 ئایاری 2021) یەکەم ڕۆژی جەژنی ڕەمەزانی ئەمساڵ دەبێت.    

  

سەرۆكی ئامۆژگاكە جاد ئەلقازی روونیكردەوە رۆژی 29 ڕەمەزان كە بەرامبەر 11 مانگی ئایاری داهاتوو دەكات مانگی شەوال كاتژمێر 9 ئێوارە بەكاتی قاهیرە لەدایك دەبێت كە ئەو ڕۆژە دەكات خەڵك بۆی دەگەڕێن.    

  

ئەلقازی رونیكردەوە رۆژی 29 رەمەزان لە سەنیگال و نواكشۆتی مۆریتانیا و مراكیشی مەغریب مانگ پاش خۆر ئاوا دەبێت بەڵام لەمەككەو قاهیرە 12 خولەك بەر لەخۆرئاوابوون ئاوا دەبێت و ئەگەری بینینی نییە و لەپایتە ئیسلامییەكانیش لە نێوان 3_17 خولەك بەر لەخۆرئاوابوون ئاوا دەبێت.