گه‌ڕان

Shadow Shadow
سیاسه‌تی

زانیاری زیاتر

هاوڵاتیانی ئێران توانای کڕینی برنجیان نەماوە

2021.05.04 - 19:53
App store icon Play store icon Play store icon
هاوڵاتیانی ئێران توانای کڕینی برنجیان نەماوە

ناس کورد-
ڕۆژنامەیەکی ئێرانی بڵاویکردەوە، کەمتر لە 19%ی هاوڵاتیانی ئێران توانای کڕینی برنجیان هەیە و ئاماژەی بەوەشکردوە، نەبوونی دراوی بیانی و دۆلار، ڕێژەی هاوردەکردنی ئەو بابەتە خۆراکییەی کەم کردووەتەوە.

کەناڵی ناس کورد لە تێلیگرام جۆین بکە   

 

مەسیح کشاورز، سەرۆکی لیژنەی هاوردەکارانی برنج لە ئێران (4ی ئایاری 2021) بە ڕۆژنامەی "همشهری" ڕاگەیاندووە، "تەنها 15 ملیۆن هاوڵاتی ئێرانی دەتوانن برنج بخۆن و بیکڕن کە ڕێژەکەی دەکاتە کەمتر لە 19%".


هاوکات ئاژانسی " ئیسنا"ی ئێرانی لە ڕاپۆرتێکیدا ئاماژەی بەوەکردووە، "نرخی برنجی هاوردەکراو لەسەرەتای ئەمساڵەوە بەڕێژەی لە 150% بەرزبووەتەوە بەراورد بە ساڵی پار".


ئەوەشخراوەتەڕوو، "نرخی یەک کیلۆ برنجی خۆماڵی بەرزبووەتەوە بۆ زیاتر لە 41 هەزار تمەن و نرخی برنجی هاوردەکراویش بەرزبووەتەوە بۆ زیاتر لە 30 هەزار تمەن".

 

ئاماژە بەوەشکراوە، "بەهۆی نەبوونی دراوی بیانی وکەمی دۆلارەوە ئەمساڵ بەرێژەیەکی بەرچاو هاوردەکردنی برنج لە دەرەوەی وڵات کەمی کردووە".