گه‌ڕان

Shadow Shadow
سیاسه‌تی

کازمی ڕەزامەندی دەربڕی لەسەر دەستلەکارکێشانەوەى وەزیری تەندروستی

2021.05.04 - 16:23
App store icon Play store icon Play store icon
کازمی ڕەزامەندی دەربڕی لەسەر دەستلەکارکێشانەوەى وەزیری تەندروستی

ناس کورد-

مستەفا کازمی، سەرۆک وەزیرانی عێراق ڕەزامەندی دا لەسەر دەستلەکارکێشانەوەى حەسەن تەمیمی، وەزیری تەندروستیی عێراق.

کەناڵی ناس کورد لە تێلیگرام جۆین بکە   

 

پێشتر سەرچاوەیەکى ئاگادار بە "ناس کوردی"ى ڕاگەیاند کە لەمیانەى کۆبوونەوەى ئەنجومەنى وەزیراندا کە تێیدا راسپاردەکانى تایبەت بە لیژنەى لێکۆڵینەوە لە سوتانى نەخۆشخانەى ئیبن خەتیب پەسەندکرا حەسەن تەمیمى  نامەى دەستلەکارکێشانەوەى ڕادەستى کازمى کردووە.

 

کەناڵی فەرمیی عێراقییە ڕایگەیاند کە کازمی دەستلەکارکێشانەوەکەى تەمیمی پەسەند کردووە.


ئەمڕۆ ئەنجومەنى وەزیرانى عێراق راسپاردەکانى لیژنەى لێکۆڵینەوەى لەسوتانى نەخۆشخانەى ئیبن خەتیب لە بەغدا پەسەندکرد، کە یەکێکیان تایبەتە بە گەڕانەوەى وەزیرى تەندروستى و پارێزگارى بەغدا بۆ سەر کارەکانیان. 

  

بەپێی راگەیەنراێکى نوسینگەى سەرۆک وەزیرانى عێراق کە وێنەیەکى دەست "ناس کورد" کەوتووە، وەزارەتى تەندروستى پابەند دەکرێت بە لابردنى سەلمان حامد بەڕێوەبەرى نەخۆشخانەى ئیبن خەتیب، نەعیم کازم یاریدەدەرى کارگێڕی، ئەحمەد جەسام بەرپرسى بەرگرى شارستانى لە پۆستەکانیان.  

  

بەپێی بڕیارێکى دیکە، بەڕێوەبەرى گشتى تەندروستى بەغدا لەپۆستەکەى لادەبرێت، وەزیرى تەندروستى و پارێزگارى بەغدا دەگەڕێنرێنەوە سەر کارەکانیان.  

  

هەر بەپێی بڕیارەکان،   وەزارەتى تەندروستى و فەرمانگەکان پابەند دەکرێن بەجێبەجێکردنى سیستەمى سەلامەتى نەخۆش و یاریدەرەکانیان و ئەوانەى سەردانیان دەکەن.