گه‌ڕان

Shadow Shadow
سیاسه‌تی

وردەکاریى

عەلى باپیر هەڵوێستى خۆى لەسەر فەتواکەى عەبدولـلەتیف سەلەفى راگەیاند

2021.05.04 - 11:03
App store icon Play store icon Play store icon
عەلى باپیر هەڵوێستى خۆى لەسەر فەتواکەى عەبدولـلەتیف سەلەفى راگەیاند

ناس كورد-

عەلى باپیر رایگەیاند، بەپێی راى زۆربەى زانایان نوێژنەکردن ماناى چونە دەرەوە نییە لە بازنەى ئیسلام و گرێبەستى هاوسەرگیریی بەو هۆیەوە هەڵناوەشێتەوە.

 

کەناڵی ناس کورد لە تێلیگرام جۆین بکە   

 

عەلى باپیر لە چاوپێکەوتنێکى تەلەفزیۆنیدا لەگەڵ کەناڵى ئێن ئار تى وتى " بەراى ئەو زانایانەى دەڵێن نوێژنەکەر موسڵمان نییە ئەوە لەئەسڵدا ئەو نیکاحە هەر دروست نییە، بەڵام بەپێی راى زۆربەى زانایان بە نوێژنەکردن هیچ کەسێک لە بازنەى ئیسلام ناچێتە دەرەوە بەمەرجێک بڕواى پێی هەبێت، بەڵام گوناهبارە لەسەر نوێژنەکردنەکەى و گرێبەستى هاوسەرگیریی هەڵناوەشێتەوە".

 

وتیشى ئەوەى باسى ئەوەیکردووە ژن دەبێت لەهاوسەری نوێژنەکەرى جیابێتەوە، دیارە شوێنى مەزهەبێکى دیکە کەوتووە، چونکە ئەوە پێچەوانەى مەزهەبی شافیعییە.

 

دەشڵێت "بەپێی راى زۆربەى زانایان ئەو ئافرەتە بۆى هەیە داواى جیابوونەوە بکات، بەڵام لەرووى شەرعییەوە مولزەم نییە لەو بارەیەوە".

 

عەلى باپیر باسى لەوەشکرد، ئەو ئافرەتە واباشە هەموو هەوڵى خۆى بخاتە کار تا پیاوەکەى ئەرکە ئاینییەکانى جێبەجێ بکات، ئەگەر کەمتەرخەم نەبێت لەو بارەیەوە گوناهبار نابێت.

 

قسەکانى عەلى باپیر دواى فەتواکەى عەبدولەتیف سەلەفى دێت کە  لە وەڵامی ئافرەتێکدا کە هاوسەرەکەی نوێژ ناکات، ڕایگەیاندبوو "ئامۆژگاری  بکە بۆ ئەوەی نوێژ بکات، ئەگەر بەقسەی نەکردی، ئەوا لێی جیابەرەوە." ئەوەش کاردانەوەی زۆری لێکەوتەوە، دواتریش رایگەیاند کە پەلەى کردووە  لەو فەتوایەدا.