گه‌ڕان

Shadow Shadow
سیاسه‌تی

ڕێککەوتنی نهێنی

کۆمەڵ لەسەر ’’ڕێککەوتن و کشانەوەى کاندید’’ بۆ حزبەکانی تر ڕوونکردنەوە دەدات

2021.05.03 - 21:56
App store icon Play store icon Play store icon
کۆمەڵ لەسەر ’’ڕێککەوتن و کشانەوەى کاندید’’ بۆ حزبەکانی تر ڕوونکردنەوە دەدات

ناس کورد-
بەرپرسی مەکتەبی هەڵبژاردن و ئاماری کۆمەڵی دادگەریی کوردستان ڕایگەیاند، هیچ ڕێککەوتن و گفتوگۆیەکیان لەگەڵ لایەنەکان نەکردووە بەمەستی هەماهەنگی لە کاتی هەڵبژاردنەکان بەڵام دەرگایان کراوەیە لەو بارەیەوە.

کەناڵی ناس کورد لە تێلیگرام جۆین بکە   

 

بێستون حەمە ساڵح لە لێدوانێکدا بۆ "ناس کورد" (3ی ئایاری 2021) وتی، "هەرچەندە پێش کۆتایی هاتنی وادەی هاوپەیمانیکردن لە کۆمسیۆنی هەڵبژاردنەکان گفتوگۆ لەنێوان چەند لایەنێک هەبوو بۆ ڕێککەوتن بەڵام بەهۆی جیاوازی بۆچوونمان نەگەیشتینە ڕێککەوتن، بۆیە بڕیارماندا سەربەخۆ بە پێنج کاندید بەشداربین".

 

باسی لەوەشکرد، لە هەندێک شوێن هەندێک لایەن کاندیدیان نییە، "ئێمەش لەو شوێنانە کاندیدمان دیاریکردووە کە دەنگدەرمان هەیە، بۆ پرسی هاوکاری هەماهەنگیش لەگەڵ لایەنەکان لەکاتی هەڵبژاردن و سەرخستنی کاندیدەکان بە هاوکاری و لێکگەشتن تاوەکو ئێستا هیچ گفتوگۆیەکی فەرمیمان نەکردووە".

 

بێستون حەمە ساڵح جەختیکردەوە، بۆ هاوکاری و هەماهەنگی لەکاتی هەڵبژاردنەکان دەرگایان کرایەوە لەگەڵ ئەو هێزانەی بۆچوونمان لە یەکەوە نزیکەو لەداهاتووش ئەگەر پێویست بکات گفتوگۆدەکەن.

 

سەبارەت بە بوونی کاندیدی کۆمەڵی دادگەری و یەکگرتووی ئیسلامی لە هەندێک شوێن و بوونى هەماهەنگى بۆ کێشانەوەیان، بەرپرسی مەکتەبی هەڵبژاردن و ئاماری کۆمەڵی دادگەری وتی، "ئەو پرسە پەیوەستە بەگفتوگۆ و دانوستانەکانی داهاتووی نێوان لایەنەکان ئەگەر بکرێت بەڵام تاوەکو ئێستا بەفەرمی لەوبارەیەوە قسەی لەسەر نەکراوە".

 

جگە لە هاوپەیمانێتی هاوبەشی یەکێتی و گۆڕان کە بە یەک لیست دابەزین، باس لەوەش دەکرا کە ئەو دوو حزبە لەگەڵ کۆمەڵ و یەکگرتووش ڕێککەوتوون لەسەر کاری پێکەوەیی، بە تایبەت لە بوونی کاندید بۆ ناوچەکانی و خوێندنەوەى بەرژەوەندی یەکتری.