گه‌ڕان

Shadow Shadow
سیاسه‌تی

’’سوپاس بۆ فەیسبوک’’

کارگێڕی مەکتەبی سیاسیی یەکێتیش بێئاگایی خۆی لە هاوپەیمانێتی گۆڕان دەربڕی

2021.05.03 - 21:48
App store icon Play store icon Play store icon
کارگێڕی مەکتەبی سیاسیی یەکێتیش بێئاگایی خۆی لە هاوپەیمانێتی گۆڕان دەربڕی

ناس کورد-

شاناز ئیبراهیم ئەحمەد، کارگێڕی مەکتەبی سیاسیی یەکێتی ڕایگەیاند، یەكێتی "هێندە سڕی قایم و نهێنیپارێزە ناوی كاندیدەكانی نەك هەر نەداوەتە كارگێرانی مەكتەبی سیاسی نەیداوەتە خودی كاندیدەكان خۆشیان" و دەڵێت، "کاکە نە وا و نە واش."

کەناڵی ناس کورد لە تێلیگرام جۆین بکە   

 

شاناز ئیبراهیم ئەحمەد لە پەیامێکدا (3ی ئایاری 2021) دەڵێت، "لە چەند ساڵی ڕابردووەوە تا وەکو پێرێ، یەک لەکێشە گەورەکانی ناو یەکێتی دزە پێکردنی هەواڵ بووە، زۆر جار هەر لەناو کۆبونەوەکانەوە هەموو وردەکاریەکانی ناو دانیشتنەکە بەئەنواعی ترش و خوێ و بەهاراتی جۆراوجۆرەوە دزەی پێ ئەکرا و بڵاوئەکرایەوە."

 

دەشڵێت، "شوکور بۆ خوا پێ ئەچێت کە یەکێتی چارەسەری ئەو کێشەیەی کردبێت و ئەوەتا ئەوەندە (سڕ قایم) و نهێنیپارێز بوو بێت کە تەنانەت ناوی کاندیدەکانی خۆی بۆ هەڵبژاردنی عێراق نەک هەر نەداتە کارگێر و مەکتەب سیاسی و سەرکردایەتی بەڵکو نەشیداتە خودی کاندیدەکانیش."

 

زیاتر بخوێنەوە: ئاماژەكانی پشت هۆشدارییەكانی ئەنجومەنی باڵای یەكێتی چین؟

 

شاناز ئیبراهیم ئەحمەد وەک ئاماژەیەک بە بێئاگایی خۆی لە هاوپەیمانێتی یەکێتی لەگەڵ گۆڕان بە تەنزەوە نوسیویەتی، "هەقی خۆیەتی نانێک بخوێن و دە نان بکەینە خێر بۆ کاکە مارک زوکەربێرگی خاوەنی فەیسبووک، خۆ ئەگەر فەیسبووک نەبووایە قەد نەمان ئەزانی پەیوەندی نێوان حزبەکەمان و مۆزەمبیق لە چ ئاستێکدایە و هاوپەیمانێتیەکەمان لەگەڵ کیم جونگ بەکوێ گەیشتووە".

 

شاناز ئیبراهم ئەحمەد تاکە کەس نییە بێئاگایی خۆی لە بابەتەکە دەرببڕێ، ئەوەتا شاڵاو کۆسرەت ڕەسوڵ کە جێگری هاوسەرۆکی یەکێتییە و نوێنەرایەتی هێڵی باوکى لەناو یەکێتیدا دەکات لە نامەیەکیدا کە ئاڕاستەى ڕێباز بیرکۆتى کردووە بەهۆی دوورخستنەوەی لە كاندیدكردن، بێئاگاى خۆى لەڕێکەوتنەکەى یەکێتى و گۆڕان ئاشکرا دەکات و بەناڕاستەوخۆش دەڵێت، بەرپرسیارێتى ئەو کارە هەڵناگرن کە بڕیاربەدەستانى ترى یەکێتى کردوویانە، ئەمەش هەڵگری هەمان نەفەسی نامەی ئەنجومەنە بە سەرۆكایەتی باوكی، ئەگەرنا سەرچاوەیتری ناو یەكێتی ئەوەیان دركاندووە كە سەركردایەتی و مەكتەب سیاسی هەردوو هاوسەرۆكیان سەرپشك كردووە بۆ گرێدانی هاوپەیمانێتی و سەرپەرشتیكردنی هەنگاوەكانی یەكێتی بۆ هەڵبژاردنی پێشوەختە.