گه‌ڕان

Shadow Shadow
سیاسه‌تی

سەدان ساڵە

کلیلەکانی قیامە لای خێزانێكی موسوڵمانە.. هۆكار و چیرۆكەكەی چییە؟

2021.05.02 - 23:45
App store icon Play store icon Play store icon
کلیلەکانی قیامە لای خێزانێكی موسوڵمانە.. هۆكار و چیرۆكەكەی چییە؟

ناس كورد_

كلیلەكانی كڵێسای قیامەی پیرۆز لای مەسیحییەكان لەشاری قودس لەسەردەمی سەلاحەدینی ئەیوبییەوە بەدەست خێزانێكی موسوڵمانەوەیە، دەرگاوانی كڵێساكەش دەڵێت "بەباوەڕ موسوڵمان و بە كلتور مەسیحیم".

کەناڵی ناس کورد لە تێلیگرام جۆین بکە   

 

بەگوێری بەدواداچوونی "النهار" ی  لوبنانی كە "ناس كورد" خوێندنەوەی بۆكردووە (2 ئایاری 2021)، لە ساڵی 1187 زاینی كە سوڵتان سەلاحەدینی ئەیوبی بەخۆی و لەشكرەكەیەوە چووە ناو شاری قودس، كلیلی پیرۆزترین كڵێسای مەسیحی "القیامة" ی دایە دەست بنەماڵەیەكی موسوڵمان بەناوی "نسیبة".

 

 ئەم كڵێسایە خاڵی كۆكەرەوەی كاسۆلیك و ئەردۆكس و قیبتی و سریان و سەرجەم پێكهاتە مەسیحییەكانیترە بەوپێیەی باوەڕیان وایە لەوێدا مەسیح لە خاچ دراوە و كۆتاییهاتووە، ساڵانەش بەمەراسیمی گەورە لەقیامە كۆدەبنەوە.

 

جگە لەدەرگاوانی، سەلاحەدین، بەڕەزامەندی شەش پێكهاتەی شارەكە، سەرپەرشتیكردنی كڵێساكەشی سپارد بە خێزانێكیتری موسوڵمان بۆ جەختكردنەوە لە باڵادەستی ئەوان لەم شارە پیرۆزە فرەچەشنە.

 

ئەدیب جەودە ئەلحوسەینی كە میراتگری بنەماڵەی دەرگاوانە و ئێستا كلیلەكانی لایە دەڵێت "بە باوەڕ موسوڵمانم و بە كلتور مەسیحی"، ماوەی 40 ساڵیشە لە پێشوازی میوانانی كڵێساكەدایە و هەر بەو كلیلەش ئەیكاتەوە كە لە 15 تەمموزی 1149 زاینی بۆ كڵێسای "القیامة" دروستكراوە.

بنەماڵەی جەودە خۆیان بە ئال و بەیت دەزانن، باپیرانیشیان دەمڕاستی مزگەوتی ئەقسا بوون لەسەردەمی شەڕی خاچییەكان و دەوڵەتی ئەیوبی، لەدەمی ئینتیدابی بەریتانیشدا سەرەتای سەدەی بیستەم، ژەنەراڵ ئەلەنبی ویستویەتی كلیلەكەیان لێوەرگرێتەوە، چونكە ناكرێت دەرگای پیرۆزترین كڵێسای مەسیحی بەدەست بنەماڵەیەكی مێزەربەسەری موسوڵمانەوە بێت، بەڵام كاتێك بەسەرهات و چیرۆكی سەلاحەدین و لێبوردەیی ئەویان بەرامبەر مەسیحییەكانی قودس بۆ گێڕاوەتەوە وتویەتی "سوڵتان لەمن بەخشندەتر نییە و كلیلكە ببەنەوە با هەر لای ئێوە بێت".

me_ga.php?id=3574