گه‌ڕان

Shadow Shadow
سیاسه‌تی

وردەکاریى

شاڵاو کۆسرەت ڕەسوڵ بیئاگایى خۆى لە هاوپەیمانێتى یەکێتى و گۆڕان بۆ هەڵبژاردن ئاشکرا دەکات

2021.05.02 - 22:05
App store icon Play store icon Play store icon
شاڵاو کۆسرەت ڕەسوڵ بیئاگایى خۆى لە هاوپەیمانێتى یەکێتى و گۆڕان بۆ هەڵبژاردن ئاشکرا دەکات

ناس کورد-

شاڵاو کۆسرەت رەسوڵ لە نامەیەکدا کە ئاراستەى ڕیباز بیرکۆتى کردووە بێئاگایى خۆى لە رێککەوتنى نێوان یەکێتى و گۆڕان دەردەبڕێت بۆ بەشداریکردن لە هەڵبژاردنى پەرلەمانى عێراق لە هاوپەیمانێتییەک.

 

کەناڵی ناس کورد لە تێلیگرام جۆین بکە   

 

شاڵاو کۆسرەت رەسوڵ (2ى ئایارى 2021) لە نامەیەکدا کە ئاراستەى ڕیباز بیرکۆتى کردووە نیگەرانى خۆى دەربڕیوە بەوەى کە لەناو کاندیدەکاندا ناوى ئەوى تێدا نییە.

 

 

برای بەڕێزم کاک ڕێباز بێرکۆتی

سڵاوێکی گەرم

هیوام هەمیشە باشیتە.

ئەم نامەیەت ئاراستە دەکەم و لەڕێگای ئەم نامەیەوە دەمەوێت سوپاسگوزاری خۆمت ئاراستە بکەم، کە هەمیشە لە ژیانتدا پێشەنگی هەڵوێست و جوامێری بوویت، لە خەباتی شاخ و ژیانی پێشمەرگایەتیتدا هەمیشە وەک فەرماندەیەکی قارەمان و دڵسۆزو چاونەترس لە پێشی پێشەوەی سەنگەرەکان بوویت و نەبەردانە بەرگریت لە هەڵوێستەکانت کردووە، لە خەباتی شاردا و لە پرسە چارەنووسسازە سیاسییەکاندا هەڵوێستەکانت هەمیشە جێگای تەقدیرو ڕێز بوونەو یارو نەیار سەرسام بوونە بە هەڵوێستە مەردانەکانت.

 

برای بەڕێزم کاک ڕێباز بێرکۆتی

بەداخم کە ئەمجارە بۆ هەڵبژاردنی ئەنجومەنی نوێنەرانی عێراق لە لیستەکەمان جەنابتی تێدا نییە، لە کاتێکدا بۆ سەرکەوتنی یەکێتی لە هەولێر پێویستمان بەکەسایەتی جەنابت و پەیوەندییەکانت بوو، بوونی تۆ دەبووە مایەی سەرکەوین و بەخشینی ورەیەکی بەهێز پێمان، بەداخەوە کە ئەو هاوپەیمانێتییەی هیچ یەک لە هەڤاڵانی هەولێر ئاگاداری نەبوون ئەم دۆخەی دروست کرد، هیوادارم هاوپەیمانێتییەکە سەرکەوتوو بێت و هیچ شوێنێک نەکرابێتە قوربانی شوێنێکی ترو براوەی سەرەکی یەکێتی نیشتمانی کوردستان بێت.

 

دووبارە لەڕێگای ئەم نامەیەوە سوپاسی خۆمت ئاراستە دەکەم کەهەمیشە هەڵوێستەکانت پەپێناو بەرژوەندی گشتی بووەو بەرژەوەندی خۆت وەلاناوە.

برات

شاڵاو کۆسرەت ڕەسوڵ