گه‌ڕان

Shadow Shadow
سیاسه‌تی

وردەکاریى

لێدوانى ئەمەریکا لەبارەى ڕێککەوتنى نوێى وڵاتەکەیى و ئێران 

2021.05.02 - 20:01
App store icon Play store icon Play store icon
لێدوانى ئەمەریکا لەبارەى ڕێککەوتنى نوێى وڵاتەکەیى و ئێران 

ناس کورد- 

ڕاوێژکارى ئاسایشى نەتەوەیى ئەمەریکا ڕایگەیاند، تاران و واشنتۆن لەدانوستانەکەى ڤیەننادا نەگەیشتوونەتە هیچ ڕێککەوتنێک و بۆشایى زۆر لەنێوانیادا ماوەتەوە کە چارەسەر بکرێت.

 

کەناڵی ناس کورد لە تێلیگرام جۆین بکە   

 

جیک سۆلیڤان ڕاوێژکارى ئاسایشى نەتەوەیى ئەمەریکا (2ى ئایارى 2021) لەلێدوانێکیدا بۆ تۆڕى (ABC News )ى ئەمەریکى ڕایگەیاند، لەدانوستانى وڵاتانى جیهانیدا لەڤییەننا ئێران و ئەمەریکا نەگەیشتنە هیچ سازانێک لەبارەى ڕێکەوتنى ئەتۆمیەوە.

 

ئاماژەى بۆ ئەوەش کردووە، لەو دانوستانەدا دۆسییەکانى ئێران و کۆریاى باکوور و چین تاوتوێ کراون و مەودایەک هەیە بۆ بڕینى ئەو بۆشاییانەى کە ماونەتەوە و ئەوەش ڕێکنەکەوتنى لێدەکەوێتەوە.

 

سۆلیڤان جەختى لەسەر ئەوەش کردەوە، ئەو بۆشاییانەى کە تا ئێستا پڕنەکراونەتەوە ئەوەیە لابردنى سزا سەپێنراوەکانى ئەمەریکا و چەند وڵاتێکى ترە.

 

ئەو بەرپرسە باڵاى ئەمەریکا دەشڵێت، تا ئێستا هیچ ڕێکەوتنێک نەکراوە، بەڵام لەڕووى دیپلۆماسییەوە بەردەوامن لەهەوڵەکانیان بۆ گەیشتنە نەخشەڕێگایەکى کارى گشتى هاوبەش بەتایبەت لەسەر ڕێکەوتنى ئەتۆمى.

 

ئەوەش لەکاتێکدایە، بەرپرسێکى باڵاى ئێران ئاشکراى دەکات، ئەمەریکا ڕازى بووە بەدانەوەى بڕى 7 ملیار دۆلارى پارەى بلۆککراوى ئێران لەئەمەریکا و لەبەرامبەریشدا ئێران کارێک دەکات.  

  

کەناڵى (الميادين) (2ى ئایارى 2021) لەسەر زارى بەرپرسێکى باڵاى ئێرانەوە بڵاوى کردەوە، واشنتۆن پارە بلۆککراوەکانى ئێران لەو وڵاتە کە نزیکەى 7 ملیار دۆلارە دەداتەوە و لەبەرامبەریشدا ئێران 4 هاوڵاتى ئەمەریکى کە بەتۆمەتى سیخوڕى کردن بۆ ئەمەریکا لەئێران دەستگیرکراون ئازاد دەکرێن.  

  

ئەوەش ئاشکرا کراوە، لەدانوستانەکاندا ئیدارەى جۆ بایدنى سەرۆکى ئەمەریکا نەیویستووە بە دانەوەى هەر بڕە پارەیەکى بلۆککراوى ئێران ڕازى بێت بەڵام ئیدارەکەى سەرکەوتوو نەبوو لەوەدا و لایەنى ئێرانیش سووربون لەسەر هەڵگرتنى بلۆک لەسەر بەشێکى ئەو پارانەى ئێران.  

  

ئەوەش خراوەتە ڕوو، دانوستانە ئەمنیەکانیش بەهاوشێوەى ئەمەریکا لەگەڵ لایەنى بەریتانیادا ئەنجامدراوە و لەندەنیش بڕى 400 ملیۆن ژونیەى ئەستەرلینى لەپارە بلۆککراوەکانى ئێران دەداتەوە.