گه‌ڕان

Shadow Shadow
سیاسه‌تی

’’ئەگەرى سەرکەوتن’’..پشت پەردەى دانوستانەکانى ئێران و خۆرئاوا

2021.05.02 - 19:54
App store icon Play store icon Play store icon
’’ئەگەرى سەرکەوتن’’..پشت پەردەى دانوستانەکانى ئێران و خۆرئاوا

ناس کورد-

 

سەرچاوەیەکى دیبلۆماسی ئەوروپى ناوەرۆکى دانوستانە ئەتۆمییەکانى نێوان ئێران و وڵاتانى خۆرئاوا ئاشکرادەکات کە لە ڤیەننا بەڕێوەدەچن بۆ زیندوکردنەوەى رێککەوتنى ئەتۆمى.

کەناڵی ناس کورد لە تێلیگرام جۆین بکە   

 

سەرچاوەکە بە ئاژانسى رۆیتەرزى راگەیاند "دانوستانە ئەتۆمییەکان بەئەندازەى پێویست بەرەوپێش نەچوون، دواى سێ هەفتە لە دەستپێکردنى، تا ئێستا هیچ هەماهەنگییەک نییە لەبارەى پرسە ئاڵۆزەکان".

وتیشى دواى وەستانى دانوستانەکان بۆ ماوەى هەفتەیەک، تەنها کاتێکى کەم ماوە لەکاتێکدا کارى زۆر ماوە "هیوادارین ئەم هەفتەیە پێشکەوتنى زیاتر بەدیبێت، بەڵام تا ئێستا نەگەیشتووین بە هەماهەنگى لەبارەى خاڵە زۆر گرنگیەکان، ئەگەرى سەرکەوتن هێشتا هەیە".

 

رۆژى شەممە قۆناغى سێیەمى دانوستانەکان لە ڤیەننا کۆتایی هات کە پێشبینیدەکرێت پێش هەڵبژاردنە سەرۆکایەتییەکەى ئێران لە حوزەیرانى داهاتوودا بگاتە ئەنجام.

 

ئەوە لەکاتێکدایە، پێشتر بەرپرسێکى باڵاى ئێران ئاشکرایکرد، ئەمەریکا ڕازى بووە بەدانەوەى بڕى 7 ملیار دۆلارى پارەى بلۆککراوى ئێران لەئەمەریکا و لەبەرامبەریشدا ئێران کارێک دەکات.  

    

کەناڵى (الميادين) (2ى ئایارى 2021) لەسەر زارى بەرپرسێکى باڵاى ئێرانەوە بڵاوى کردەوە، واشنتۆن پارە بلۆککراوەکانى ئێران لەو وڵاتە کە نزیکەى 7 ملیار دۆلارە دەداتەوە و لەبەرامبەریشدا ئێران 4 هاوڵاتى ئەمەریکى کە بەتۆمەتى سیخوڕى کردن بۆ ئەمەریکا لەئێران دەستگیرکراون ئازاد دەکرێن.  

  

ئەوەش ئاشکرا کراوە، لەدانوستانەکاندا ئیدارەى جۆ بایدنى سەرۆکى ئەمەریکا نەیویستووە بە دانەوەى هەر بڕە پارەیەکى بلۆککراوى ئێران ڕازى بێت بەڵام ئیدارەکەى سەرکەوتوو نەبوو لەوەدا و لایەنى ئێرانیش سووربون لەسەر هەڵگرتنى بلۆک لەسەر بەشێکى ئەو پارانەى ئێران.  

  

ئەوەش خراوەتە ڕوو، دانوستانە ئەمنیەکانیش بەهاوشێوەى ئەمەریکا لەگەڵ لایەنى بەریتانیادا ئەنجامدراوە و لەندەنیش بڕى 400 ملیۆن ژونیەى ئەستەرلینى لەپارە بلۆککراوەکانى ئێران دەداتەوە.