گه‌ڕان

Shadow Shadow
سیاسه‌تی

زانیارى زیاتر

ناوەڕۆکى ڕێککەوتنێکى نوێى ئەمەریکا و ئێران ئاشکرا دەکرێت 

2021.05.02 - 17:37
App store icon Play store icon Play store icon
ناوەڕۆکى ڕێککەوتنێکى نوێى ئەمەریکا و ئێران ئاشکرا دەکرێت 

ناس کورد- 

بەرپرسێکى باڵاى ئێران ئاشکراى دەکات، ئەمەریکا ڕازى بووە بەدانەوەى بڕى 7 ملیار دۆلارى پارەى بلۆککراوى ئێران لەئەمەریکا و لەبەرامبەریشدا ئێران کارێک دەکات.

 

کەناڵی ناس کورد لە تێلیگرام جۆین بکە   

 

کەناڵى (الميادين) (2ى ئایارى 2021) لەسەر زارى بەرپرسێکى باڵاى ئێرانەوە بڵاوى کردەوە، واشنتۆن پارە بلۆککراوەکانى ئێران لەو وڵاتە کە نزیکەى 7 ملیار دۆلارە دەداتەوە و لەبەرامبەریشدا ئێران 4 هاوڵاتى ئەمەریکى کە بەتۆمەتى سیخوڕى کردن بۆ ئەمەریکا لەئێران دەستگیرکراون ئازاد دەکرێن.

 

ئەوەش ئاشکرا کراوە، لەدانوستانەکاندا ئیدارەى جۆ بایدنى سەرۆکى ئەمەریکا نەیویستووە بە دانەوەى هەر بڕە پارەیەکى بلۆککراوى ئێران ڕازى بێت بەڵام ئیدارەکەى سەرکەوتوو نەبوو لەوەدا و لایەنى ئێرانیش سووربون لەسەر هەڵگرتنى بلۆک لەسەر بەشێکى ئەو پارانەى ئێران.

 

ئەوەش خراوەتە ڕوو، دانوستانە ئەمنیەکانیش بەهاوشێوەى ئەمەریکا لەگەڵ لایەنى بەریتانیادا ئەنجامدراوە و لەندەنیش بڕى 400 ملیۆن ژونیەى ئەستەرلینى لەپارە بلۆککراوەکانى ئێران دەداتەوە.