گه‌ڕان

Shadow Shadow
سیاسه‌تی

یەکەم وێنەی عەبدوڵای کوێخا موبارەک لە کۆبوونەوەیەکی پارتیدا

2021.05.02 - 11:15
App store icon Play store icon Play store icon
یەکەم وێنەی عەبدوڵای کوێخا موبارەک لە کۆبوونەوەیەکی پارتیدا

ناس کورد-

میدیای فەرمیی پارتی یەکەمین وێنەی عەبدوڵای کوێخا موبارەک و هاورێکانی بڵاوکردەوە کە بە فەرمی دەچنە ڕیزەکانی پارتی دیموکراتی کوردستان.

کەناڵی ناس کورد لە تێلیگرام جۆین بکە   

 

کۆبوونەوەکە تایبەتە بە ئەنجومەنی سەرکردایەتی کەرکوک-گەرمیانی پارتی و کەمال کەرکوکی سەرکردایەتی دەکات، بەڵام میدیای پارتی ئاماژەی بە ڕۆژ و کاتی کۆبوونەوەکە نەکردووە.

 

عەبدولای کوێخا موبارەک یەکێک بوو لە ئەندامانی جڤاتی نیشتمانیی گۆڕان و بە لێدوان و ناڕەزایەتییەکانی دژی پارتی و یەکێتی ناسراو بوو، بەڵام بەپێی ڕاپۆرتە میدیاییەکان، ناوبراو لە ماوەی ڕابردوودا مەسعود بارزانی، سەرۆکى پارتی دیموکراتی کوردستانی بینیوە و چووەتە ڕیزەکانی پارتی دیموکراتی کوردستان. 

me_ga.php?id=3542me_ga.php?id=3543

بەپێی زانیارییەکانی ناس کورد، عەبدوڵاى کوێخا موبارەک لە کۆنگرەیەکى ڕۆژنامەوانیدا هۆکارى پەیوەندیکردنى بە ڕیزەکانى پارتى دیموکراتی کوردستان ئاشکرا دەکات و هاوکات چەند ڕەخنەیەکی توندیش ئاڕاستەى گۆڕان و ناڕازییەکانیش دەکات.  

  

بەپێى ئەو زانیارییانەى کە "ناس کورد" لە سەرچاوەیەکى تایبەتەوە دەستی کەوتووە، عەبدوڵاى کوێخا موبارەک لە کۆنگرەیەکى ڕۆژنامەوانیدا لە شارۆچکەى چەمچەماڵ وتارێک لەسەر هۆکارى پەیوەندیکردنى بە پارتى دیموکراتی کوردستانەوە دەخوێنێتەوە.  

  

ئەو زانیاریەش بەدەستخراوە، لە ناوەڕۆکى وتارەکەیدا سەربارى کۆمەڵێک پاساوى گشتى عەبدوڵاى کوێخا موبارەک چەند ڕەخنەیەک ئاڕاستەى بزوتنەوەى گۆڕان دەکات، هەروەها چەندین ڕەخنەش ئاڕاستەى خەڵکانى ناڕازى دەکات بەتایبەت ئەوانەى کە وازیان لە گۆڕان هێناوە.  

  

هەر بەپێى زانیارییەکانى ناس کورد، لە کۆنگرە ڕۆژنامەوانیەکەیدا عەبدوڵاى کوێخا موبارەک چەند ڕەخنەیەکیش ئاڕاستەى یەکێتى دەکات وەکو حزبى یەکەمى ناوچەکە کە دەسەڵاتى سەربازى تێدا هەیە.  

  

لەبارەى یەکلا کردنەوەى چارەنوسى لەناو پارتى و ئەو کارانەى کە ئەو حیزبە بۆى بەئەنجام دەگەیەنن، ناس کورد ئەوەشى زانیووە، هێشتا بڕیارەکان لەلایەن پارتیەوە نەچونەتە قۆناغى کۆتاییەوە بەڵام ئەگەرى ئەوە هەیە عەبدوڵاى کوێخا موبارەک کارى حزبایەتى بکات نەک سەربازى، بەتایبەت لە ئەنجومەنى سەرکردایەتى کەرکوک-گەرمیانى پارتى، بەڵام ناس کورد نەیتوانیوە ئەم زانیارییە پشتڕاست بکاتەوە بەهۆى ئەوەى عەبدوڵاى کوێخا موبارەک وەڵامى پەیوەندییەکان ناداتەوە.  

  

لەبارەى ئەو لیوا سەربازیەش کە دەنگۆى ئەوە بڵاوکراوەتەوە پارتى بۆى دادەمەزرێنێت، سەرچاوە تایبەتەکەى "ناس کورد" وتى، "هێشتا ئەوەش بەتەواوەتى یەکلایى نەکراوەتەوە، بەڵام باس لەوە کراوە یەکێک لە دوو کەسى نزیکى عەبدوڵا سەرپەرشتیارى لیواکە دەکەن، ئەوانیش ئامۆزاکەى کە پێشتر ئەندامى جڤاتى گشتى بوو یاخود برایەکى."