گه‌ڕان

Shadow Shadow
سیاسه‌تی

زانیاریی زیاتر

بەوێنە؛ ئۆپراسیۆنێکی فراوان لە کەرکوک دەستیپێکرد

2021.05.01 - 23:29
App store icon Play store icon Play store icon
بەوێنە؛ ئۆپراسیۆنێکی فراوان لە کەرکوک دەستیپێکرد

ناس کورد-

فەرماندەیی پۆلیسی فیدراڵیی عێراق ڕایگەیاند، لەئاکامی ئەنجامدانی ئۆپڕاسیۆنێکی بەرفراوان بۆ سەر موڵگەکانی چەکدارانیی داعش لەسنوریی پارێزگای کەرکوک توانراوە دەست بەسەر ژمارەیەک چەک و تەقەمەنیدا بگیرێت.

کەناڵی ناس کورد لە تێلیگرام جۆین بکە   

 

بەگوێرەی ڕاگەیەندراوێکی فەرماندەییەکە ( 1ی ئایاری 2021) کە وێنەیەکی دەست" ناس کورد" کەوتووە، ئاماژە بەوەکراوە، " لیوای نۆ و 11ی سەربە فیرقەی سێی سەر بەهێزەکانی پۆلیسی فیدراڵیی دەستیان بە ئۆپراسیۆنێکی بەرفراون کردووە دژ بەچەکدارانی داعش لە سنوریی پارێزگای کەرکوک".

 

 

ئاماژە بەوەشکراوە، " ئۆپراسیۆنەکە ناوچەکانی وادی سحیل، قاسمییە و شلاگە گرتووەتەوە بە بەشدارایی فەوجی زریپۆشی یەکەم و فرۆکەی بێفڕۆکەوان".

 

لەڕاگەیەندراوەکەدا هاتووە، " دوای کۆکردنەوەی زانیاریی هەواڵگریی ورد توانراوە چەند جبەخانەیەکی ڕێکخراوە تیرۆرستیە لەوناوچانە دەستی بەسەردا بگیرێت کە چەندین چەک وتەقەمەنی جۆراوجۆری لەخو گرتبوو".  

 

 

ئۆپراسیۆنەکەی هێزەکانی پۆلیسی فیدراڵیی لە کاتێکدایە کە بەرەبەیانی ( شەممە 1ی ئایاری 2021) چەکدارانی داعش هێرشیان کردەسەر هێزە عێراقییەکان لەناوچەی ریازوحویجە و بۆ سەرهێزەکانی پێشمەرگە لە ناوچەی پردێ کە لەئاکامدا ژمارەیەک سەربازیی عێراقی و پێشمەرگە بوون بە قوربانی".