گه‌ڕان

Shadow Shadow
سیاسه‌تی

زانیاریی زیاتر

لەبارەی کۆتاییهێنان بە پرۆسەی خوێندنی ئەمساڵ پەروەردەی عێراق هەڵوێستی خۆی ڕاگەیاند

2021.05.01 - 23:16
App store icon Play store icon Play store icon
لەبارەی کۆتاییهێنان بە پرۆسەی خوێندنی ئەمساڵ پەروەردەی عێراق هەڵوێستی خۆی ڕاگەیاند

ناس کورد-

وەزارەتی پەروەردەی عێراق ڕایگەیاند، چارەنووسی پرۆسەی خوێندنی ئەمساڵ بەستراوەتەوە بەو بڕیارانەی کە لیژنەی باڵای تەندروستی و سەلامەتی نیشتمانی دەریاندەکات. 

کەناڵی ناس کورد لە تێلیگرام جۆین بکە   

 

حەیدەرفاروق، وتەبێژی وەزارەتەکە ( 1ی ئایاری 2021)  لەلێدوانێکدا بۆ بەئاژانسی هەواڵیی  فەرمیی عێراق ڕاگەیاند، "ڕاگرتنی خوێندنی ناوپۆل، کۆتاییهێنان بەساڵی خوێندن، زیادبوونی ژمارەی ڕۆژانی ئامادەبوون لە قوتابخانە و یان ڕاگرتنی ئەوەی کە ئێستا هەیە، پەیوەندی بەبڕیارەکانی لیژنەی  باڵای تەندروستی و سەلامەتی نیشتمانیەوە هەیە".

 

وتیشی، "وەزارەتی پەروەردە نەیویستووە دوای نیوەی ساڵ دەست بکرێتەوە بە خوێندنی ناوپۆل بەبێ ڕاوێژکاری لەگەڵ لیژنەکەدا، چەند پێشنیازێک پێشکەش بە لیژنەی باڵا کرا و دواتر پرۆسەی ئامادە بوون لەقوتابخانەدا پەسەند کرا".

 

وتەبێژی وەزارەتی  پەروەردەی عێراق ئەوەشی وت ، "لە ئێستادا شێوازی دەوامکردن لەهەر دامەزراوەیەکی حکومی لەوڵاتدا بەستراوەتەوە بە بڕیارەکانی لیژنەی باڵاوە، هەروەها ها٢وڵاتیانیش پەیوەستن بە بڕیارەکانی لیژنەی باڵا لە ئێستا و دواتریش".

 

لیدوانەکەی فاروق، دوای ئەوە هاتووە کە چەند ڕۆژێک لەومەوبەر لیژنەی پەروەردەی پەرلەمانی عێراق داوای لە وەزارەتی پەروەردە کردبوو دەستبەجێ پرۆسەی خوێندنی ناو پۆل وئامادە بوونی قوتابیان لەقوتابخانەکاندا هەڵپەسێرێت و تەنها برەو بە خوێندنی ئەلکترۆنی بدات، ئەوەش بەهۆی بەرزبوونەوەی ڕێژەی توشبوون بە ڤایرۆسی کۆرۆنا لەنێوان مامۆستایان و قوتابیاندا.