گه‌ڕان

Shadow Shadow
سیاسه‌تی

زانیاری زیاتر

سوپای ئەمریکا: بەمزوانە عێراق بەجێناهێڵین

2021.05.01 - 14:49
App store icon Play store icon Play store icon
سوپای ئەمریکا: بەمزوانە عێراق بەجێناهێڵین

ناس کورد-

فەرماندەى ناوەندەیی هێزەکانى ئەمەریکا دەڵێت، هێزەکانیان لەم قۆناغەدا لە عێراقدا دەمێنیتەوە و ئەرکى حکومەتى عێراقیشە بەرگرى لەمانەوەى هێزەکانى ئەمەریکا و هاوپەیمانان بکات.

کەناڵی ناس کورد لە تێلیگرام جۆین بکە   

 

کینیس ماکنزى، فەرماندەى ناوەندیی هێزەکانى ئەمەریکا لە چاوپێکەوتنێکی تەلەفزیۆنیدا (1ى ئایارى 2021) ڕایگەیاند، لەسەر داواکارى عێراق ئەوان دەمێننەوە و بەهاریکارى هاوپەیمانى نێودەوڵەتى بەردەوام دەبن بۆ شەڕى داعش چونکە ئەو شەڕەش هێشتا کۆتایى نەهاتووە.

 

ئاماژەى بۆ ئەوەش کرد، سوپاى عێراقیش ڕۆڵى سەرکردایەتیکردنى شەڕەکانى هەیە و عێراقییەکانیش شەڕ لەپێناو خۆیاندا دەکەن.

 

ئەو فەرماندە سەربازییە باڵایەى ئەمەریکا باسى لەوەش کردووە، ڕۆڵى ئەوان لەشەڕى مەیدانى ڕاستەوخۆوە بووەتە ڕۆڵى پاڵپشتیکردن و مەشق و ڕاهێنان، ئەوان لەئێستادا لە مەیدانەکانى شەڕەوە دوورن و ئەوەش هەڵوێستیانە کە دەیانەوێت پێشبى بخەن.


ماکینزى ئەوەشى ڕوونکردەوە، ئایندەى سوپاکەیان لە عێراقدا لەچەند دانوستانێک لەگەڵ حکومەتى عێراقدا دیاریدەکرێت و لەو باوەڕەشدایە بەمنزیکانە عێراق بەجێناهێڵن و ڕۆڵى حکومەتى عێڕاقیشە بەرگرى لەمانەوەى هێزەکانى ئەمەریکا و هاوپەیمانان بکات.

 

ئەو فەرماندەیەى هێزەکانى ئەمەریکا لەبارەى ئێرانیشەوە وتووشیەتى، دەستوەردانەکانى ئێران لەعێراقدا هەڕەشەیەکى ڕاستەوخۆییە بۆ سەر سەروەرییەکانى و هەروەها هەڕەشەى ئەو وڵاتەش بۆ سەریان بەواتاى هەڕەشەیە بۆ سەر عێراقیش و ئومێدى ئەوەش دەکەن ویستى شەڕیان نەبێت ئەگینا ئەوانیش بەرگرى لەخۆیان دەکەن و ناشیانەوێت بچنە هەندێ ناکۆکى لابەلاوە لەگەڵیاندا.