گه‌ڕان

Shadow Shadow
سیاسه‌تی

بەپەلە

یەکەم هەڵوێستى پارتى..زانیارى نوێ لەسەر پەیوەندیکردنى عەبدوڵا کوێخا موبارەک بە پارتى یەوە

2021.04.29 - 15:39
App store icon Play store icon Play store icon
یەکەم هەڵوێستى پارتى..زانیارى نوێ لەسەر پەیوەندیکردنى عەبدوڵا کوێخا موبارەک بە پارتى یەوە

ناس کورد-

فەرماندەیەکى سەربازى پارتى بەفەرمى پێشوازى لەعەبدوڵا کوێخا موبارەک کرد بەبۆنەى پەیوەندیکردنى بە پارتى یەوە. بەپێی سەرچاوەکانى ناس کورد پێشتر ئەو حزبە دووجار شاندى ناردووەتەلاى.

کەناڵی ناس کورد لە تێلیگرام جۆین بکە   

 

لیوا حەمە رێگر فەرماندەى سەربازى پارتى لە سنورى چەمچەماڵ ئەمڕۆ پێنجشەممە لە هەژمارى خۆى لەفەیسبوک، پیرۆزبایی لە عەبدوڵا کوێخا موبارەک شوانى و خزمەکانى کردووە بەبۆنەى چونیان بۆ ناو ریزەکانى پارتى.

 

پەیوەندیکردنى عەبدوڵا کوێخا موبارەک بە پارتى یەوە شەممەى رابردوو لەکۆبوونەوەیدا لەگەڵ مەسعود بارزانى لە پیرمام یەکلایی بووەتەوە، ئەوەش بەپێی وتەى چەند سەرچاوەیەکى ئاگادار.

 

سەرچاوەکان بۆ "ناس کورد" باسیان لەوەکرد، پێش چوونى عەبدوڵا کوێخا موبارەک بۆ لاى بارزانى، پارتى دوو جار بەناوى سەردانى کۆمەڵایەتییەوە شاندى ناردووەتە لاى عەبدوڵا، ئەوەش رێگەخۆشکەر بووە بۆ پەیوەندیکردنى بە ریزەکانى پارتى یەوە.

 

بەوتەى سەرچاوەکان، عەبدوڵا جگە لەخۆى بەشێکى زۆر لە خزم و کەسە نزیکەکانى لەگەڵدایە کە پەیوەندیان بە پارتى یەوە کردووە لەگەڵ ئەندامێکى جڤاتى گشتى گۆڕان کە ئامۆزایەتى، ئەو حزبەش بەڵێنى دروستکردنى لیوایەکى پێداوە.

 

یەکێک لەسەرچاوەکان وتى "پەیوەندیکردنى عەبدوڵا بە پارتى یەوە بەو پێیەى کەسایەتییەکى دیارە لەسنورى چەمچەماڵ، بۆ پارتى گرنگى خۆى هەیە، بەتایبەت کە بارەگاکانى پارتى لەو سنورە چەندینجار تەقەیان لێکراوە".

 

تا ئێستا عەبدوڵا کوێخا موبارەک کە یەکێک بوو لە دیارترین هەڵسوڕاوەکانى پێشووى گۆڕان لەسنورى چەمچەماڵ هیچ قسەیەکى لەو بارەیەوە نەکردووە.