گه‌ڕان

Shadow Shadow
سیاسه‌تی

وردەکاریی

پەکەکە تاکتیکى شەڕ لەگەڵ تورکیا دەگۆڕێت

2021.04.29 - 14:46
App store icon Play store icon Play store icon
پەکەکە تاکتیکى شەڕ لەگەڵ تورکیا دەگۆڕێت

ناس کورد-

 

پارتى کرێکارانى کوردستان رایگەیاند، بە تەکنیکى نوێ بەرەنگارى هێرشەکانى تورکیا بوونەتەوە، لەوانە شەڕکردن لەناو تونێل و لەژێر زەویدا بۆ پوچەڵکردنەوەى هێرشەکان.

کەناڵی ناس کورد لە تێلیگرام جۆین بکە   

 

فەرماندەیی بڕیارگەى ناوەندی پاراستنی گەل (نەپەگە) لەپەیامێکیدا بۆ گەریلاکانی هەرێمەکانی پاراستنی مەدیا رایگەیاند،  چاوەڕێی هێرشی دەوڵەتی تورکیا بوونە "شەڕە لە نێوان ئێمە و دوژمنەدا لە بەرزترین ئاستدا دەبێتە گۆڕەپانی لێپرسینەوە و حساب خواستن".  

 

ئاماژەى بەوەشکردووە، نایانەوێت لەم شەڕەدا تەنها بەرگری بکەن و دەیانەوێت تورکیا تێکبشکێنن و سەرکەوتن مسۆگەر بکەن.

 

نەپەگە دەڵێت "هێرشی دەوڵەتی تورکیا بۆ سەر ناوچەکانی مەتینا، زاپ و ئاڤاشین هێرشێکی ئاسایی نییە. دوای تێکشکاندنە قورسەکەیان لە گارە، ئێمە باش دەمانزانی بۆ تۆڵەکردنەوە هێرشێکی نوێ ئەنجام دەدات. لەسەر ئەو بنەمایە زانیاریی هەواڵگریمان لە بەردەستدا بوو، بۆیە لە ئاستێکدا ئامادەکاریمان هەبوو".

 

جەختیشیکردەوە، ئەو هێرشە بە رەزامەندی و پشتیوانیی هێزە پیلانگێڕەکان پێکهاتووە. ئەگەر ئەوان رەزامەندییان نەدایە، ئەستەم بوو لە خاکی عێراقدا لەو ئاستەدا جموجوڵی فڕۆکە و بۆردومان ئەنجام بدرایە. 

 

"بە شەڕی گەریلایی نۆژەن، بە گەریلای مۆدێڕنیتەى دیموکراتیک، بە پسپۆڕی لە شەڕەدا، بە شێوازی تیم، لەگەڵ ئەوەشدا بە شەڕی تونێلەکان، یانی شەڕ لە ژێر زەویدا، دەتوانین هەموو هێرشەکانی دوژمن پووچ بکەینەوە".

 

نەپەگە دەڵێت ئەو دوا شەڕانەى لە حەفتانین و گارە ئەنجامدران، ئەو راستییانەى زۆر زیاتر بۆ روونکردنەوە. دەبێت گرنگی بەوانە بدەن.