گه‌ڕان

Shadow Shadow
سیاسه‌تی

زانیارى زیاتر

مستەفا کازمى:هەڵسەنگاندن بۆ کارى وەزیرەکان دەکەین ’بڕیارى قورس دەدەین’

2021.04.27 - 15:25
App store icon Play store icon Play store icon
مستەفا کازمى:هەڵسەنگاندن بۆ کارى وەزیرەکان دەکەین ’بڕیارى قورس دەدەین’

ناس کورد- 

مستەفا کازمى، سەرۆک وەزیرانى عێراق لە کۆبوونەوەى ئەنجومەنى وەزیراندا رایگەیاند کە "راستەوخۆ سەرپەرشتى لێکۆڵینەوەکانى ئاگرکەوتنەوەى نەخۆشخانەى (ئیبن خەتیب) دەکات. 

 

کەناڵی ناس کورد لە تێلیگرام جۆین بکە   

 

 وتيشى "هەڵسەنگاندن بۆ کارى وەزیرەکان دەکەین و بڕیارى قورس دەدەین. 

 

نوسینگەى سەرۆک وەزیرانى عێراق (27ى نیسانى 2021) لە راگەیەندراوێکدا ئاماژەى بەوە کرد، مستەفا کازمى سەرۆک وەزیرانى عێراق لەمیانەى کۆبوونەوەى ئەمڕۆى ئەنجومەنى وەزیراندا جەختى لەسەر ئەوە کردەوە کە تیمى لێکۆڵینەوە لە روداوى ئاگرکەوتنەوەى نەخۆشخانەى (ئیبن خەتیب) بەردەوام لەکاردان و منیش راستەوخۆ سەرپەرشتى کارەکانیان دەکەم.

 

بەگوێرەى راگەیەندراوەکە، چاوەڕوانى تەواوبوونى راپۆرتى تیمەکەین لەو وادەیەى کە بۆى دانراوە و دواى ئەوە دەستبەجێ ئەنجامەکەى دەخەینەڕوو.

 

لە راگەیەندراوەکەدا ئاماژە بەوەش کراوە کە کازمى داواى لە وەزیرەکان کردووە کە بچنە فەرمانگەکانى وەزارەتەکانیان و بەشێوەى مەیدانى بەدواداچوون بۆ داواکارى هاووڵاتیان بکەن.

 

هۆشدارى ئەوەشى داوە بە وەزیرەکان کە کارى وەزارەتەکانیان و پۆستەکانیان بۆ مەرامى هەڵبژاردن بەکارنەهێنن.