گه‌ڕان

Shadow Shadow
سیاسه‌تی

وردەکاری

ئۆپیک پێشبینییەکی گەشبینانە بۆ نرخی نەوت ئاشکرا دەکات

2021.04.26 - 21:06
App store icon Play store icon Play store icon
ئۆپیک پێشبینییەکی گەشبینانە بۆ نرخی نەوت ئاشکرا دەکات

ناس کورد-

ئەمیندارى گشتى ڕێکخراوى وڵاتانی هەناردەکاری نەوت (ئۆپیک) ڕایگەیاند، ئاماژەى ئەرێنی هەیە بۆ گەشەکردنى ئابوریی جیهانى لەژێر ڕۆشنایی پیشەسازى نەوتدا.

کەناڵی ناس کورد لە تێلیگرام جۆین بکە   

 

محەمد بارکیندو ئەمڕۆ دووشەممە ئاماژەى بەوەکرد، ئاماژەى ئەرێنی هەیە لەبارەى ئابوریی جیهان و پێشبینییەکان لە بوارى پیشەسازى، چەندین هۆکار هەن کە پێویستیان بە چاودێرى هەیە.

 

وتەکانى ئەمیندارى گشتى ڕێکخراوى ئۆپیک پێش کۆبوونەوە چاوەڕوانکراوەکەى ئۆپیک پڵەس دێت کە بڕیارە ڕۆژى چوارشەممە ئەنجام بدرێت.

 

پێشتر ئەلیکسەندەر نۆفاک جێگرى سەرۆک وەزیرانى ڕوسیا رایگەیاندبوو، کۆبوونەوەکە بۆ شیکردنەوە و چاوخشاندنەوەیە بە دۆخى بازاڕى نەوت و لە ئێستادا دۆخەکە هاوسەنگە.

 

لەئێستا (26ی نیسانی 2021) نرخی یەک بەرمیل نەوتی برێنت لە بازاڕەکانی جیهاندا بە 65.28 دۆلار مامامەڵەی پێوە دەکرێت، هەروەها یەک بەرمیل نەوتی خاوی تەکساسیش بە 62.13 دۆلارە.