گه‌ڕان

Shadow Shadow
سیاسه‌تی

وەزارەتی ناوخۆ: لە ڕووداوەکەى ئیبن خەتیبدا 82 کەس گیانیان لەدەستداوە

2021.04.25 - 12:25
App store icon Play store icon Play store icon
وەزارەتی ناوخۆ: لە ڕووداوەکەى ئیبن خەتیبدا 82 کەس گیانیان لەدەستداوە

ناس کورد-

وەزارەتی ناوخۆی عێراق ئاماری نوێی بەرکەوتووانی ڕووداوی ئاگرکەوتنەوەى لە نەخۆشخانەی "ئیبن خەتیب" لە بەغدا ئاشکرا و دەڵێت، 82 کەس گیانیان لەدەستداوە و 110 کەسی تری بریندار بوون.

کەناڵی ناس کورد لە تێلیگرام جۆین بکە   

 

درەنگانی شەوی ڕابردوو لە شاری بەغدا ئاگر لە نەخۆشخانەی ئیبن خەتیب کەوتەوە و چەند بووتڵێکی ئۆکسیجینی نەخۆشخانەکەش بەهۆی ئاگرەکەوە تەقیونەتەوە.

 

هەر زوو مستەفا کازمی، سەرۆک وەزیرانی عێراق فەرمانیکرد، سەرجەم بەرپرسانی نەخۆشخانەکە دەستبەسەربکرێن و قوربانییەکانی ڕووداوەکەش بە پلەی شەهید هەژماربکرێن، ڕاشیگەیاند، دەبێت هۆکاری ڕووداوەکە لە ماوەی 24 کاتژمێردا ئاشکرابکرێت و ئەوانەشی کەمتەرخەم بوون لێپێچینەوەی تووندیان لەگەڵدا بکرێت.

 

هاوکات مەسرور بارزانی، سەرۆکی حکومەتی هەرێمی کوردستان پەیوەندیی بە مستەفا کازمی، سەرۆک وەزیرانی عێراقەوە کرد و هاوخەمی خۆی بۆ کەسوکاری قوربانیانی ڕووداوی ئاگرکەوتنەوەکەى نەخۆشخانەی "ئیبن خەتیب" دەربڕی.

 

بەپێی ماڵپەڕی حکومەتی هەرێم، ئەمڕۆ یەکشەممە (25ی نیسانی 2021) مەسرور بارزانی لە پەیوەندییەکی تەلەفۆنیدا لەگەڵ مستەفا کازمی "پرسە و هاوخەمی خۆی بۆ کەسوکاری قوربانییانی ڕووداوی دڵتەزێنی نەخۆشخانەی ( ابن الخطيب)ی بەغدا دەربڕی و ئامادەیی دامودەزگاکانی حکومەتی هەرێمی کوردستانیشی بۆ پێشکەشکردنی هەموو جۆرە هاوکاریی و یارمەتییەک ڕاگەیاند و هیوای خواست، کارەساتی وا دووبارە نەبێتەوە."