گه‌ڕان

Shadow Shadow
سیاسه‌تی

زانیاریی زیاتر

وەزیرى دەرەوەى لیبیا: سوورین لەسەر کشانەوەى هێزەکانى تورکیا لە وڵاتەکەمان

2021.04.23 - 23:18
App store icon Play store icon Play store icon
وەزیرى دەرەوەى لیبیا: سوورین لەسەر کشانەوەى هێزەکانى تورکیا لە وڵاتەکەمان

ناس کورد- 

وەزیرى دەرەوەى لیبیا ڕایگەیاند، دانوستانەکانیان لەگەڵ ئەمەریکا دەستپێکردووە و سووریشن لەسەر کشانەوەى هێزەکانى تورکیا لەوڵاتەکەیاندا.

کەناڵی ناس کورد لە تێلیگرام جۆین بکە   

 

بەپێى هەواڵێکى ئاژانسى ئاکى ئیتالڵیا، لەمیانەى سەردانێکى دا بۆ لیژنەى پەیوەندییەکانى دەرەوەى پەرلەمانى ئیتاڵیا لە ڕۆما ، نەجلا محمەد مەنقوش، وەزیرى دەرەوەى لیبیا (23ى نیسانى 2021) ڕایگەیاند، حکومەتى یەکڕیزى نیشتیمانیى لیبیا بەسەرۆکایەتى عەبدولحەمید دەبیبەى، سەرۆک وەزیران لەگەڵ ئەمەریکادا دەستى کردووە بە دانوستاندن.

 

ئاماژەى بۆ ئەوەش کردووە، حکومەتى لیبیاش ئامادەیى ئەنقەرەى بۆ دەستپێکردنەوەى دانوستانەکان پێگەیشتووە، بەڵام ئەوان سوورن لەسەر داواکارییەکانیان و داواش لەوڵاتانى نێودەوڵەتى دەکەن یارمەتیدەر بن بۆ دەرکردنى هێزەکانى تورکیا لەسەر خاکى لیبیا.

 

مەنقوش باسى لەوەش کردووە، ئەو کارە بەلاى ئەوانەوە پەیوەندى بەپرسێکى لەپێشینەوە هەیە کە پرسى ئاسایشى نیشتیمانیانە و ئەوەش پشتدەبەستێت بە کشانەوەى هێزە بیانییەکان لەوڵاتەکەیاندا و ئەوەش دەزانن کە ئاسان نیە بەشەو و ڕۆژێک، بەڵام متمانەیان بەو ئامادەباشى دەربڕینەى تورکیا هەیە کە بینوویانە.

 

بەپپێى ڕێککەوتنێک لەگەڵ حکومەتەکەى فایز سەڕاج لە لیبیا  ئەردۆگان سوپاى سەربازى وڵاتەکەى بەرەو لیبیا ڕەوانە کرد و بەوەش ئەو سوپایە لەشەڕى ناوخۆى ئەو وڵاتە تێوەگلا و ئەو کارەش کاردانەوەى وڵاتانى ناوچەکە و نێودەوڵەتیشى بەدواى خۆیدا هێنا.