گه‌ڕان

Shadow Shadow
سیاسه‌تی

وردەکاریى

لە بودجەى 2021ی عێراق موچە بۆ ئەم توێژانە خەرج دەکرێت

2021.04.21 - 23:41
App store icon Play store icon Play store icon
لە بودجەى 2021ی عێراق موچە بۆ ئەم توێژانە خەرج دەکرێت

 ناس كورد-

سەرۆکی دەستەی پاراستنی کۆمەڵایەتی لە وەزارەتی کاروکاروباری کۆمەڵایەتیی عێراق ئەو توێژانەی ئاشکراکرد کە لەچوارچێوەی پڕۆژە یاسای بودجەی 2021دا موچەیان بۆ تەرخانکراوە.

 

کەناڵی ناس کورد لە تێلیگرام جۆین بکە   

 

هودا سەجاد، سەرۆکی دەستەکە (21ی نیسانی 2021) لە راگەیەندراوێکدا ئاماژەى بەوە کرد، لەچوارچێوەی یاسای بودجەی ساڵی 2021دا چەند توێژێک پۆلێن کراون بۆ ئەوەی لەلایەن حکومەتەوە موچەی پاراستنی کۆمەڵایەتییان پێ بدرێت".

 

سەجاد ئاشکرایکرد "بێوەژن، ژنانی تەلاقدراو، پەککەوتوو، ئەو ژنانەی کە هاوسەرەکانیان بەجێیانهێشتوون، هاوسەری ئەو پیاوانەی کە سزای زیندانیان لەسەرە، بەگوێرەی یاسای بودجە موچەیان بۆ تەرخانکراوە".

 

هەروەها ئاماژەی بەوەشکرد "ئەو کچانەی کە قەیرەن و تەمەنیان 35ساڵی تێپەڕاندووە و داهاتێکى جێگیریان نییە و هیچ بەخێوکەرێکیان نییە، یاسای پاراستنی کۆمەڵایەتی دەیانگرێتەوە".

 

وتیشی "بەپێی یاساکە، موچە بۆ ئەو خوێندکارانەش تەرخاندەکرێت کە خوێندکاری قۆناغی ئامادەیین و هاوسەرگیریان کردووە".

 

سەجاد ئاماژەی بەوەشکرد" ئەو کەسانەی کە بێ باوکن و تەمەنیان 18 ساڵە و بەردەوامن لە خوێندن، هەروەها کەسانی بێکار و خاوەن پێداویستی تایبەتیش یاساکە دەیانگرێتەوە و موچەیان بۆ دابین دەىکرێت".