گه‌ڕان

Shadow Shadow
سیاسه‌تی

زانیارى زیاتر

ڕوسيا 10 فەرمانبەرى باڵيۆزخانەى ئەمەريكاى دەركرد: بەهەمان شێوە وەڵام دەدەينەوە

2021.04.21 - 20:54
App store icon Play store icon Play store icon
ڕوسيا 10 فەرمانبەرى باڵيۆزخانەى ئەمەريكاى دەركرد: بەهەمان شێوە وەڵام دەدەينەوە

ناس کورد-

حكومەتى ڕوسيا بە فەرمى داواى لە 10 كارمەندى باڵيۆزخانەى ئەمەريكا لە مۆسكۆ كرد تاوەكو كۆتايى ڕۆژى چوارشەممە خاكى ئەو وڵاتە جێبهێڵن، ئەوەش وەك وەڵامدانەوەيەكى ئەمەريكا بۆ دەركردنى كارمەندانى ڕوسيا.

 

کەناڵی ناس کورد لە تێلیگرام جۆین بکە   

 

ماڵپەڕى "روسيا اليوم" چوارشەممە (21ى نيسانى 2021) بڵاويكردووەتەوە، بارت گۆرمان جێگرى سەرۆكى نێردەى ئەمەريكا لە ڕوسيا بانگهێشتكراوە و ياداشتێكى دراوەتێ  كە ناوى 10 فەرمانبەرى باڵيۆزخانەى ئەو وڵاتەى تێدايە لە مۆسكۆ و داوايان لێكراوە تا كۆتايى ڕۆژى چوارشەممە خاكى ڕوسيا بەجێبهێڵن.

 

بەگوێرەى ماڵپەرەکە، ئەو ڕێوشوێنەش وەڵامدانەوەيەکە بۆ ڕێوشوێنەكانى ئەمريكا بۆ دەركردنى ژمارەيەك فەرمانبەرى باڵيۆزخانەى ڕوسيا لە واشنتۆن و کونسوڵگەرى گشتى لە نيويۆرك، كە بەبێ بيانوو دەركراون.

 

وەزارەتى دەرەوەى ڕوسيا باسى لەوەشكردووە، بەم نزيكانە چەند ڕێوشوێنێكى تر دەگرێتە بەر ئەويش لە چوارچێوەى وەڵامدانەوەى ڕێوشوێنە ناياساييەكانى ئەمەريكا بۆ سەپاندنى سزا بەسەر ڕوسيادا، كە ڕۆژى 16ى نيسان وەزارەتى دەرەوەى ئەمەريكا ڕايگەياند.