گه‌ڕان

Shadow Shadow
سیاسه‌تی

زانیاری زیاتر

ڕەوتەكەی حەكیم: كاتی فیدراڵی نییە و شەقام قبوڵیان نییە

2021.04.20 - 20:04
App store icon Play store icon Play store icon
ڕەوتەكەی حەكیم: كاتی فیدراڵی نییە و شەقام قبوڵیان نییە

ناس کورد-
سەركردەیەكی ڕەوتی حیكمەی عەمار حەكیم بە "ناس كورد"ی ڕاگەیاند، ئەوان هێشتا پێیانوایە پێویستە هەرێمی ناوەڕاست و باشوری عێراق دروست بكرێت بۆ ئەوەی فیدراڵیزم لە عێراق شێوەی دروستی خۆی وەرگرێت، بەڵام لەئێستادا شەقام ئەو تێزەیان قبوڵ نییە بۆیە كاتی بانگەشەبۆكردنی نییە.

کەناڵی ناس کورد لە تێلیگرام جۆین بکە   

 

حەسەن فەدعەم ئەلجەنابی، پەرلەمانتاری ڕەوتی حیكمە بۆ "ناس كورد"ی ڕوونكردەوە (20 نیسانی 2021)، عەبدولعەزیز حەكیم كاری زۆری لەسەر دروستكردنی هەرێمێك كردووە بۆ پارێزگاكانی باشور، بەڵام دواتر ئەوە بەدابەشكردن لێكدراوەتەوە، لەئێستاشدا شەقامی شیعی و باشور هەر وەك پێویست قبوڵیان نییە، ئەگەرنا ئەوان وەك درێژەپێدەری رێبازەكەی هەر بڕوایان بەوە هەیە عێراق ببێتە چەند هەرێم.

 

ئەلجەنابی وتیشی، لەئێستادا هەرێمی كوردستان وەك دەوڵەتێك دەردەكەوێت، هۆكارەكەی ئەوەیە لە عێراق بەس حكومەتی فیدراڵ و حكومەتی هەرێم هەیە، ئەگەر هەرێمیتر دروست بكرێت ئەوە سەرجەم دەوڵەتەكە دەبێتە فیدراڵی و كێشەی ئەو جیاكارییەش نامێنێت.

 

ڕەوتی حیكمە و ئەنجومەنی باڵای ئیسلامی لەم ڕۆژانەدا چەند چالاكییەك بەبۆنەی ساڵیادی كۆچی دوایی عەبدولعەزیز حەكیمەوە بەرێوە دەبەن كە باوكی عەمار حەكیم و ڕابەری ئەنجومەنی باڵای ئیسلامی بوو، لەساڵی 2009 بەهۆی نەخۆشی شێرپەنجەوە كۆچی دواییكرد.