گه‌ڕان

Shadow Shadow
سیاسه‌تی

زانیارى زیاتر

پێشبینییەک بۆ کۆتایى شەپۆلى گەرما و رودانى نمەباران و هەورە بروسکە

2021.04.20 - 14:28
App store icon Play store icon Play store icon
پێشبینییەک بۆ کۆتایى شەپۆلى گەرما و رودانى نمەباران و هەورە بروسکە

ناس کورد-

شارەزایەکى کەشناسى پێشبینی دەکات ناوچەکانى هەرێمى کوردستان لەسبەینێوە کۆتا کاریگەرى شەپۆلى گەرما بەڕێ بکات و ئەگەرى چالاکبوونى هەورە بروسکە و نمە باران بەدوور نازانێت.

 

کەناڵی ناس کورد لە تێلیگرام جۆین بکە   

 

ئاراس جەبار، شارەزاى کەشناسى (20ى نیسانى 2021) لە بڵاوکراوەیەکدا ئاماژەى بەوە کرد، سبەی (چوارشەممە) ناوچەکانمان لەژێر کاریگەری کۆتا قۆناغی ئەم شەپۆلە گەرمایەدا ئەبێت و پلەکانی گەرما ھاوشێوەی ئەمڕۆ بەبەرزی ئەمێنێتەوە.

 

دەشڵێت "لە ئەنجامی کاریگەری نزمە پاڵەپەستۆی لاوازی دەریای ناوەراست و بوونی بڕێک شێ لە ھەوادا ئاسمانی ناوچەکە بەزۆری نیمچە ھەور ئەبێت و لەکاتەکانی نیوەرۆ بۆ ئێوارە لەھەندێک ناوچەدا بەشێوەیەکی ھەرەمەکی واتا دیاری نەکراو ئەگەری چالاکبوونی ھەورە بروسکە و نمە باران ئەبێت".

 

بەگوێرەى ئەو شارەزایە، خێرایی با چالاک ئەبێت بە خێرایی ١٥ تا ٢٥کلم/س لە ئاراستەی باشور و باشوری رۆژئاواوە لە ناوچە نزمەکاندا بەشێوەی گڕەو گەرما ئەبێت.

 

پێشبینى ئەوەش دەکات، لە دوو سبەی (پێنجشەممەوە) قۆناغ بە قۆناغ پلەکانی گەرما روو لەنزمبوونەوە بکاتەوە بە چەند قۆناغێکی لەسەرخۆ.