گه‌ڕان

Shadow Shadow
سیاسه‌تی

چۆن سەری نەگرت؟

دۆكیۆمێنتاری؛ مەلا مستەفا بەنیازبوو سەدری یەكەم بەقاچاغ بباتە لوبنان

2021.04.19 - 22:39
App store icon Play store icon Play store icon
دۆكیۆمێنتاری؛ مەلا مستەفا بەنیازبوو سەدری یەكەم بەقاچاغ بباتە لوبنان

ناس کورد-

د. حەمید عەبدوڵڵا، پێشكەشكاری بەرنامەی دۆكیۆمێنتاریی (تلك الأیام) باس لەوە دەكات، بەر لەوەی ڕژێمی بەعس محەمەد باقر سەدری باوكی ڕۆحی حیزبی دەعوە لەسێدارە بدات بڕیاربووە مەلا مستەفای بارزانی ئاودیوی بكات بۆ بەیروت.

کەناڵی ناس کورد لە تێلیگرام جۆین بکە   

 

حەمید عەبدوڵڵا كە مێژونووسێكی عێراقییە لە بەرنامەی دۆكیۆمێنتاریی (تلك الأیام) كە "ناس كورد" بینیویەتی (19 نیسانی 2021) لەسەر زاری ئەحمەد چەلەبییەوە پلانێكی ئاشكراكرد بۆ دەربازكردنی محەمەد باقر سەدری شەرعزان و باوكی ڕۆحی حیزبی دەعوە بە بەشداری مەلا مستەفای بارزانی، بەڵام بەهۆی پێداگری سەدرەوە بۆ مانەوە لە عێراق سەری نەگرتووە.

 

بەقسەی چەلەبی، پلانەكە وەهابووە باقر سەدر بچێتە لوبنان و لەوێ موسا سەدر پێشوازیی لێ بكات، مەلا مستەفا بارزانی هاوكاری پڕۆژەكە بێت بە ئاودیوكردنی سەدر لە رێگای خاكی كوردستانەوە، بەڵام سەدر ئامادە نەبووە لە عێراق دەربچێت، كاتێكیش خومەینی لە ڕێگەی بروسكەی ئێزگەوە داوایكردووە لەعێراق بمێنێتەوە، ڕژێمی سەدام لە سێدارەی داوە (9 نیسانی 1980).


محەمەد باقر سەدر كە بە سەدری یەكەم دەناسرێت لە بنەماڵەی سەدرە، پلەی ئایەتوڵڵای هەبووە، دامەزرێنەر و باوكی ڕۆحی حیزبی دەعوەیە، خاوەن چەند نوسرا و تیۆرێكی فەلسەفی و ئابوری ئیسلامییە و لەسەردەستی رژێمی بەعس لەگەڵ خوشكەكەیدا لەسێدارە دراون و ساڵانەش مەراسیم و یادكردنەوەیان بۆ ڕێك دەخرێت.