گه‌ڕان

Shadow Shadow
سیاسه‌تی

وردەکاریى

سەرۆكى پەرلەمانى ئێران: بە دڵنياييەوە وەڵامى هێرشەكەى سەر نەتەنز دەدەينەوە

2021.04.18 - 22:53
App store icon Play store icon Play store icon
سەرۆكى پەرلەمانى ئێران: بە دڵنياييەوە وەڵامى هێرشەكەى سەر نەتەنز دەدەينەوە

ناس کورد-

سەرۆكى پەرلەمانى ئێران ڕایگەیاند، وەڵامدانەوەى هێرشە "تيرۆرستى"ەكەى سەر دامەزراوەى ئەتۆمى "نەتەنز" دڵنياييە و لە كات و شوێنى گونجاودا دەبێت.

 

کەناڵی ناس کورد لە تێلیگرام جۆین بکە   

 

محمەد باقر قاليباف، سەرۆكى پەرلەمانى ئێران (18ى نيسانى 2021) لە كۆبونەوەى پەرلەماندا وتى، زانا گەنجەكانى ئێران جارێكى تر شانازييان بۆ وڵاتەكەيان دەستەبەر كرد و توانييان يۆرانيۆم بە ڕێژەى 60% بپيتێنن، ئەوەش ڕووداوێكى مێژوييە لە بوارى زانست و تەكنەلۆژيا، هەروەها ئاڵنگارى سياسى گرنگيشى هەيە.

 

ئاماژەى بەوەشدا، دوژمنەكانى گەلى ئێران تێوەگلاون لە چالاكييە تيرۆرستيەكانى سەر پيشەسازى ئەتۆمى ئێرانى، لەڕێگەى ئەو كارانەوە هەوڵى ئەوە دەدەن چالاكييە ئەتۆميەكان بوەستێنن ياخود كەمى بكەنەوە.

 

قاليباف لە بەشێكى ترى قسەكانيدا سەبارەت بە هێرشەكەى سەر دامەزراوەى "نەتەنز"ى ئەتۆمى جەختيلەوەكردەوە، وەڵامدانەوەى هێرشەكە شتێكى دڵنياييە و لەكات و ساتى خۆيدا جێبەجێ دەكرێت.

 

پێشى وايە، دوژمنەكانيان ستراتيژێكيان داناوە بۆ ئەوەى گفتوگۆكانى ڤييەنا پەك بخەن، ئەوەش لە ڕێگەى درێژكردنەوەى بەبێ ئەوەى هيچ ئەنجامێكى هەبێت، ئەوەش لەپێناو لەناوبردنى تەواوەتى هەيكەلى سياسى و ئابوريى وڵات، دوژمن دەيەوێت داواكاريەكانى بەسەر ئێراندا بسەپێنێت لەرێگەى پەستان و هەڵخەڵەتاندنەوە و ڕێگە لە گەلى ئێرانى بگرێت تا بگەنە ئابورييەك كە خاڵى بێت لە سزاكان.