گه‌ڕان

Shadow Shadow
سیاسه‌تی

وێنەکەی ببینە

’’بەوێنە؛ هێزەکانی تورکیا گەنجێکی کوردیان لەژێر ئەشکەنجەدا کوشت’’

2021.04.18 - 11:05
App store icon Play store icon Play store icon
’’بەوێنە؛ هێزەکانی تورکیا گەنجێکی کوردیان لەژێر ئەشکەنجەدا کوشت’’

ناس کورد-

ڕێکخراوی هەنگاو ڕایگەیاند، دوو کۆڵبەری کورد لە کاتی کۆڵبەری لەلایەن هێزە چەکدارەکانی تورکیا دەستبەسەرکران و دوای ئەشکەنجەدانێکی زۆر یەکێک لە کۆڵبەرەکان گیانی لەدەستداوە.

کەناڵی ناس کورد لە تێلیگرام جۆین بکە   

 

ڕێکخراوی مافی مرۆڤی هەنگاو (یەکشەممە 18ی نیسانی 2021) ڕایگەیاند، " دوو کۆڵبەری خەڵکی چاڵدێران لە کاتی کۆڵبەریدا لە لایەن هێزەکانی تورکیاوە دەستبەسەرکران و ئەشکەنجە دراون".

 

ئاماژەی بەوەشکردووە، " لە ئەنجامی ئەشکەنجەی هێزە ئەمنیەکانی تورکیا کۆڵبەرێکیان بە ناوی حەسەن کەچەلانلوو کە تەمەنی 35 ساڵ و  خێزاندار و باوکی سێ منداڵ بووە، گیانی لەدەستداوە."

 

 

ئەوەشی خستووەتەڕوو، "هەروەها کۆڵبەرێکی دیکە بە ناوی بارام سەمەدی بە سەختی ئەشکەنجە کراوە و توانیویەتی لە شوێنەکە هەڵبێت و لەئێستادا لە ناوەندە دەرمانیەکانی چاڵدێران لە ژێر چاودێری پزیشکیدایە."

 

هاوکات، لە مانگی ئازاری ڕابردوودا کۆڵبەرێکی دیکەی کورد بە ناوی بورهان سلێمانی لە کاتی کۆڵبەری لە سنوورەکانی کۆتۆل لەلایەن هێزەکانی تورکیا دەستبەسەرکرا و لە ژێر ئەشکەنجەی ئەو هێزانە گیانی لە دەستدابوو.