گه‌ڕان

Shadow Shadow
سیاسه‌تی

وردەکاری

هەڕەشەیەك لە حیزبوڵڵاوە دەربارەی سنورەکانی هەرێم

2021.04.18 - 10:12
App store icon Play store icon Play store icon
هەڕەشەیەك لە حیزبوڵڵاوە دەربارەی سنورەکانی هەرێم

ناس کورد-

کەتیبەکانی حیزبوڵڵای عێراقی بەرپرسیارێتی بە ئامانجگرتنی هاوڵاتیانی سیڤیلی خستە ئەستۆی "ئەمەریکا، ئیسرائیل و نۆکەرەکانیان" و هەڕەشەی تۆڵە سەندنەوەی هێرشکردنە سەرهێزەکانی حەشدی شەعبی کرد کە پێش چەند ڕۆژێک کرایە سەریان لە ناوچە سنورییەکانیان لەگەڵ هەرێمی کوردستاندا.

کەناڵی ناس کورد لە تێلیگرام جۆین بکە   

 

ئەبوعەلی عەسکەری، وتەبێژی کەتیبەکانی حیزبوڵڵای عێراقی (18ی نیسانی 2021) لە تویتێکدا کە "ناس کورد" بینیویەتی دەڵێت، "بەرپرسیارێتی بە ئامانجگرتنی هاوڵاتیانی  سیڤیل دەخەینە ئەستۆی ئەمەریکا، ئیسرائیل و نۆکەرەکانی".

 

ئەوەش هاتووە، "لێناگەڕێن دەستدرێژی بکرێتە سەر هێزەکانی حەشدی شەعبی لە ناوچە سنورییەکانیان لەگەڵ هەرێمی کوردستان بە ئاسانی و بەبێ سزا تێپەڕنابێت".

 

عەسکەری هۆشداریشی داوە لە زیادکردنی ژمارەی هێزەکانی ناتۆ لە عێراق و دەڵێت، "زیادکردنی ئەو هێزانە دەبێتە هۆکاری پەرەسەندنی زیاتری هێرشی بەرخۆدان (موقاوەمە) دژیان بەبێ گوێدان بەڕەگەزی ئەو هێزانە و سەر بە چ وڵاتێکن".

 

وتەبێژەکەی کەتیبەکانی حیزبوڵڵا هێرشی توندیش کردووەتە سەر سێ پەرلەمانتاری پەرلەمانی عێراق کە پێکهاتوون لە زافیرعانی، فائیق شێخ عەلی و محەمەد کەربولی و نوسیوویەتی، "داوا لە پەرلەمانتارە بەشەرەفەکان دەکەم زمانی تائیفیەت و نۆکەرایەتی لەناو پەرلەمان ببڕن کە زافیرعانی، فائیق شێخ عەلی ومحەمەد کەربولی نوێنەرایەتی دەکەن، ئەگینا گەل خۆی بەوکارە هەڵدەستێت و دەنگی ئەو سەگوەڕینە کپ دەکاتەوە".

 

عەسکەری لە کۆتایی تویتەکەیدا دەڵێت، "ئەو بەرخۆدانەی کە هێزە ئەمنییەکان و حەشدی شەعبی دەیکەن لە (جورف ئەلنەسر) شایەنی سوپاسگوزارییە نەک بێ ئەمەکی بەرانبەریان بکرێت، بۆیە داوا لە کەسانی بەشەرف دەکەین سەردانی ناوچەکە بکەن وبەچاوی خۆیان بیبینن کەچۆن ئەوان لە هەوڵی سەپاندنی ئاسایشن لە ناوچەکەدا ولە هەمانکاتیشدا دەنگی نەشاز وبوقەکانی داعش کپ بکەنەوە کە بانگەشەی ئەودەکەن کە گوایە ئەو ناوچەیە کراوە بەزیندانی نهێنی وکارگەی دروستکردنی تەقەمەنی".