گه‌ڕان

Shadow Shadow
سیاسه‌تی

بەپەلە

ڕوونکردنەوەیەکی فەرمی لەبارەی بێسەروشوێنبوونی پێشمەرگەیەک لە سلێمانی

2021.04.17 - 19:40
App store icon Play store icon Play store icon
ڕوونکردنەوەیەکی فەرمی لەبارەی بێسەروشوێنبوونی پێشمەرگەیەک لە سلێمانی

 

ناس کورد- 

کۆمەڵەی شۆڕشگێڕی زەحمەتکێشانی کوردستانی ئێران ڕوونکردنەوەیەکی لەبارەی چارەنوسی ئەو پێشمەرگەیەی بڵاوکردەوە کە ماوەی پێنج ڕۆژە لە سلێمانی بێسەروشوێنە و ڕایگەیاند، ئەو پێشمەرگەیە بەتۆمەتی سیخوڕی لە لایەن یەکێک لەهێزە ئەمنیەکانی هەرێمی کوردستان دەستبەسەر کراوە.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا کۆمەڵەی شۆڕشگێڕی زەحمەتکێشانی کوردستانی ئێران (شەممە ١٧ی نیسانی ٢٠٢١) ڕایگەیاند، ڕۆژی ۱۳ی نیسانی ۲۰۲۱، پێشمەرگەیەکی کۆمەڵە بەناوی "سمکۆ بەنەفشی" لەسلێمانی لەلایەن هێزه ئەمنيەكانەوه به تۆمەتی ئەمنی دەستبەسەر کراوە." 

 

ئاماژەی بەوەشکردووە، "هەر لەدوای ئاگادار بوون لەلایەن بەشی ئەمنییەتی کۆمەڵە، لێکۆڵینەوەکان دەربارەی ئەم کەیسە دەستی پێکرد، بەڵام بۆ تێکنەچوونی ڕێرەوی لێکۆڵینەوەکان هیچ ڕاگەیاندراوێکی بڵاو نەکردەوە." 

 

ئەوەشی خستووەتەڕوو، "دەرئەنجام دوای لێکۆڵینەوەكان دەركەوت کە ناوبراو بەتۆمەتی جاسوسی لە لایەن یەکێک لەهێزە ئەمنیەکانی هەرێمی کوردستان دەستبەسەر کراوە." 

 

ئەوەش هاتووە، "کۆمەڵە، وێرای سپاسی لایەنە ئەمنی و دادوەریەکانی هەرێمی کوردستان لە ئاگادارکردنەوەی کەیسی ناوبراو، چاوەڕوانی دەرئەنجامی کۆتایی لێکۆڵینەوەکان و بڕیاری دادگایە." 

 

ئاماژەی بەوەشکردووە، "کۆمەڵەی شۆڕشگێڕی زەحمەتکێشانی کوردستانی ئێران زۆربەی ئەو لێدوان و هەواڵانەی کەلەچەند ڕۆژی پێشوودا، دەربارەی ئەم کەیسە بڵاو کراوەتەوە، ڕەتدەکاتەوە و بەدڵنیاییەوە ئەم لێدوانانە لەلایەن نەیارانی کۆمەڵە و بەمەبەستی چەواشەکاریی بڵاو کراوەنەتەوە."

 

زیاتر بخوێنەرەوە: وردەکاریی بێسەروشوێنبوونی پێشمەرگەیەکی کۆمەڵە لە سلێمانی

 

پێشتر، سەرچاوەیەک لە کۆمەڵەی شۆڕشگێڕی زەحمەتکێشانی کوردستانی ئێران بە ناس کورد-ی ڕایگەیاند، ماوەی پێنج ڕۆژە پێشمەرگەیەکیان بێسەروشوێنە و ئۆتۆمبێلەکەشی لە شەقامی بازنەیی مەلیک مەحمود دۆزراوەتەوە، بۆیە گومان دەکەن ڕفێندرابێت و ئاسایش و دەزگا ئەمنییەکانی سلێمانیان لێ ئاگادارکردووەتەوە.