گه‌ڕان

Shadow Shadow
سیاسه‌تی

نرخی نەوتی خاو بازێکی باشی دا

2021.04.16 - 09:29
App store icon Play store icon Play store icon
نرخی نەوتی خاو بازێکی باشی دا

ناس کورد-

نرخى نەوتى خاو بەردەوامە لە بەرزبوونەوە، ئەوەش بەهۆى ئامار و داتا ئەرێنییەکانی ئابوريى ئەمريكا و پێشبينيەكانى ئاژانسى وزەى نێودەوڵەتى و ڕێكخراوى ئۆپێك بۆ زيادبونى خواست لەسەرى.

کەناڵی ناس کورد لە تێلیگرام جۆین بکە   

 

ئاژانسى هەواڵیی ڕۆيتەرز (16ى نيسانى 2021) بڵاويكردووەتەوە، دواى ئەوەى ڕۆژى چوارشەممەى ڕابردوو نرخى نەوت 5%ى نرخەكەى زيادى كرد، تائێستا بەردەوامە لە بەرزبوونەوە و بەرەبەيانى ئەمڕۆ هەينى يەك بەرميل خاوى برێنت بە 67 دۆلار و 35 سەنتەوە مامەڵەى پێوە کرا، ئەوەش بەرزترين ئاستە لەماوەى زياتر لە يەك مانگدا تۆمارى كردبێت.

 

بەپێى زانياريەكانى هەمان ئاژانس، بەرميلێك خاوى تەكساسى ئەمريكى بەرامبەر 63 دۆلار و 88 سەنتە، ئەوەش دواى ئەوەى 0.65%ى نرخەكەى زيادى كرد، هەروەها بەرميلێك خاوى ئۆپێك بە 63 دۆلار و 39 سەنت دەفرۆشرێت.

 

شارەزايان دەڵێن، هۆكارى بەردەوام بەرزبوونەوەى نرخى نەوت داتا ئەرێنییەکانی تايبەت بە ئابوريى ئەمريكا و پێشبينيەكانى ئاژانسى وزەى نێودەوڵەتى و ڕێكخراوى ئۆپێكە.

 

لاى خۆشيەوە جيم ڕيتربوش، سەرۆكى كۆمپانياى ڕيتربوش و هاوبەشەكانى تايبەت بە بوارى نەوت دەڵێت، هۆكارى بەرزبوونەوەى نەوت پشتگيرى زياتريەتى بەهۆى دابەزينى نرخى دۆلار، هەروەها ئابوريى ئەمريكا لە گەشانەوەى زياترە و پاڵپشتى ئابوريى و دابەشكردنى پارەى هاناوەچون لە ئەمريكا و دابەشكردنى زياترى ڤاكسين ڕێگەى بە بوژانەوەى كەرتە ئابورييەكان داوە.