گه‌ڕان

Shadow Shadow
سیاسه‌تی

هۆکارەکەی دەڵێت

نوری مالیکی: هەڵبژاردنەکان لەکاتی خۆیدا ناکرێت

2021.04.16 - 09:11
App store icon Play store icon Play store icon
نوری مالیکی: هەڵبژاردنەکان لەکاتی خۆیدا ناکرێت

ناس کورد-

نوری مالیکی، سەرۆکى هاوپەیمانێتی دەوڵەتی یاسا جەخت دەکاتەوە کە ئەو "بەتوندی دواخستنی هەڵبژاردنەکان" ڕەت دەکاتەوە بەڵام پێی وایە "بەهۆی ئاڵنگارییە ئەمنییەکانەوە هەڵبژاردنەکە لەکاتی خۆیدا ناکرێت" کە 10ی تشرینی یەکەمی ئەمساڵە.

کەناڵی ناس کورد لە تێلیگرام جۆین بکە   

 

نوری مالیکی لە دیمانەیەکیدا لەگەڵ تەلەفزیۆنی شەرقییە ڕایگەیاند، ئاڵنگارییە ئەمنییەکان ڕێگەنادەن هەڵبژاردن لەکاتی خۆیدا بەڕێوەبچێت."

 

وتیشی، "سەرپەرشتیکردنی هەڵبژاردنەکان لەلایەن نەتەوە یەکگرتووەکانەوە ڕەت دەکەمەوە" و دەڵێت، "گەلی عێراق بڕیار دەدات کە من ببمەوە بە سەرۆک وەزیران."

 

لەبارەى خۆپیشاندان و دۆخی ئەمنی، مالیکی وتی، "پێویستە جیاوازی لەنێوان چەکی تیرۆر و چەکی بەرخودان (موقاوەمە) بکرێت، ئەو نمایشی چەکەی ئێستا لە شەقامدا دەکرێت چەکی بەرخودان (موقاوەمە) نییە."

 

باسی لەوەشکرد، "من دژی لێدانی هەر کونسوڵگەری و نێردەیەکی دیبلۆماسیم لە عێراق، خۆپیشاندانەکانیش لە عێراق یاسایی و ئاسایین بە مەرجێک چەک هەڵنەگیرێت."

 

نوری مالیکی وتیشی، "بە توندی سەرکۆنە و ئیدانەی هەر جۆرە نمایشێکی سەربازی دەکەم لە دژی دەوڵەتی عێراق."

 

بەپێی بڕیاری حکومەتی عێراق و کۆمسیۆنی هەڵبژاردنەکان، بڕیارە ڕۆژی 10ی تشرینی دووەمی ئەمساڵ هەڵبژاردنی پێشوەختە لە عێراق بەڕێوەبچێت، بەرهەم ساڵحیش مەرسومی کۆماریی بۆ دەرکردووە و جەخت دەکەنەوە کە لەکاتی خۆیدا بەڕێوەدەچێت.