گه‌ڕان

Shadow Shadow
سیاسه‌تی

وردەکاریی

رێواز فایەق دوو رێگا بۆ هەڵوەشاندنەوەى لێبڕینى موچە دەخاتەڕوو

2021.04.15 - 12:36
App store icon Play store icon Play store icon
رێواز فایەق دوو رێگا بۆ هەڵوەشاندنەوەى لێبڕینى موچە دەخاتەڕوو

ناس کورد-

 

سەرۆکی پەرلەمانی کوردستان رایگەیاند، زیاد لە رێگا و میکانیزمیک هەیە بۆ لێبڕینى موچەى فەرمانبەران، بەڵام پەرلەمان لەو پرسەدا هیچى پێناکرێت.

کەناڵی ناس کورد لە تێلیگرام جۆین بکە   

 

رێواز فایەق لە چاوپێکەوتنێکدا لەگەڵ دەنگى ئەمریکا رایگەیاندووە، یەکێک لە رێگاکانى هەڵوەشاندنەوەى لێبڕین ئەوەیە پەرلەمان قسەى خۆى بکات و لە کۆبوونەوەی ڕۆژی دووشەممە قسەی خۆیان وتووە بە حکومەت لەو بارەیەوە کە لەگەڵ زیادبوونی داهاتەکان و لەگەڵ ڕێککەوتن لەگەڵ عێراق دەبێت ئەم لێبڕینە نەمێنێت.

 

وتیشی" ئالیەتێکی تر بۆ نەمانی لێبڕینی موچە ئەوەیە پرۆژە یاسای بودجە بێتە ناو پەرلەمان، تا ئێمە ئەو کاتە بەیەکەوە دادەنیشین و گفتوگۆبکەین و موناقەشە بکەین و هەماهەنگی بکەین و دەنگی بۆ کۆبکەینەوە لەسەر ئەوەی کە لێبڕینی مووچە نەمێنێت".

 

رێواز فایەق دەڵێت "لێبڕینی موچە لەم خولە نییە لە خولی پێشوویش هەبوو کەسیش هیچی پێنەکرا و پەرلەمانیش هیچی پێنەکرا بڕەکەشی زۆر زۆر لە ئێستا زیاتر بوو".

 

دەشڵێت "لەبەر ئەوە قسەکردن لەسەر ئەم خولەی پەرلەمان تەنها لەسەر بابەتی لێبڕینی مووچە بێویژدانیەکی گەورەیە پەرلەمانتار کە ئەو قسانە دەکات پەرلەمان هیچی پێناکرێت".