گه‌ڕان

Shadow Shadow
سیاسه‌تی

’زیانیان بە موڵکى گشتى داوە’

پارێزگارى کەرکوک و ژمارەیەک لەبەرپرسى دیکەى ئەو شارە روبەڕووى دادگا دەکرێنەوە

2021.04.15 - 11:35
App store icon Play store icon Play store icon
پارێزگارى کەرکوک و ژمارەیەک لەبەرپرسى دیکەى ئەو شارە روبەڕووى دادگا دەکرێنەوە

ناس کورد-

دەستەى دەستپاکى عێراق رایگەیاند: پارێزگارى کەرکوک و ژمارەیەک لەبەرپرسانى شارەکە بەتۆمەتى زیانگەیاندن بەموڵکى گشتى ڕوبەڕووى دادگا دەکرێنەوە.

 

کەناڵی ناس کورد لە تێلیگرام جۆین بکە   

 

دەستەى دەستپاکى عێراق ( 15ى نیسانى 2021) لەڕاگەیەنراوێکدا ئاماژەى بەوە کرد، دادگا فەرمانى بانگهێشتکردنى بۆ هەریەکە لەپارێزگارى کەرکوک و ژمارەیەک لەبەرپرسانى دیوانى پارێزگاکە دەرکردووە کە ئەوانیش بەڕێوەبەرى بەشى گرێبەستە حکومییەکان و پلاندانان و ئەندازیاری و بەشى ژمێریارین.

 

ئاماژەى بۆ ئەوەش کردووە، ئەو فەرمانە بەهۆى سەرپێچى کردن لەهەندێ پڕۆژەى نۆژەنکردنەوەى ناو پارێزگاکە بووە.

 

دەستەکە ئەوەشى خستووەتە ڕوو، فەرمانى بانگهێشتکردنەکە بەپێى مادەى (340) بووە لەیاساى سزادانى سەرپێچیکەران لەنۆژەنکردنەوە و کڕینى کەلوپەل بۆ بیناى پارێزگاى نوێ کە چەند خزمەتگوزاریەک دەگرێتەوە.



پێشتریش فەرمانى بانگهێشتکردن و ڕێگریکردن لەگەشت بۆ پارێزگار و بەڕێوەبەرى باڵەخانە پەروەردەییەکانى پارێزگاکە دەرکرا و هەروەها فەرمانى دەستگیرکردنیش بۆ 23 فەرمانبەر لەپرسى گەندەڵى لە دروستکردنى چەند قوتابخانەیەکى شارەکە دەرکرا.