گه‌ڕان

Shadow Shadow
سیاسه‌تی

دوو بەڵگەمان هەیە

میژوونوسێك: پێغەمبەر ئیبراهیم یەمەنییەو عێراقی نییە

2021.04.15 - 00:45
App store icon Play store icon Play store icon
میژوونوسێك: پێغەمبەر ئیبراهیم یەمەنییەو عێراقی نییە

ناس كورد_

بیرمەند و مێژوونوسی ناسراوی عێراقی فازل رەبیعی رایگەیاند دوو كۆمەڵ بەڵگە هەن دەیسەلمێنن پێغەمبەر ئیبراهیم خەڵكی وڵاتی یەمەنە و عێراقی نییە.

کەناڵی ناس کورد لە تێلیگرام جۆین بکە   

 

ڕەبیعی لەمیانەی بەشداریكردنی لە (المحاید)ی كەناڵی فەرمی عیراق كە "ناس كورد" بینیویەتی (15 نیسانی 2021) جەختیكردەوە بەڵگەی ئاركیۆلۆجی زۆر لەبەردەستدان كە پێغەمبەر ئیبراهیم یەمەنییە، بەڵگەی دووەمیش بەڵگەی ڕۆشنبیرییە و لەیەمەن ڕەنگدانەوەكانی دەبینرێت.

 

فازل ڕەبیعی باسی لەوەشكرد فرەییەكی زۆر لەیەمەن هەیە و خەڵك ئاگاداری نین، ئاینی سەرەكی یەمەنییەكان لە حەزرەمەوت بووە، پاشان گوازراوەتەوە بۆ جەوف و دواتر جیابوونەوەی ئاینی ڕوویداوە و ئیبراهیم لەوێ سەریهەڵداوە، هەر لەوێشەوە هاتووە كەعبەی لەسەر فەرمانی خوا دروست كردووە.

 

لەپاش سەردانی پاپا بۆ شاری ئور وەك ماڵی پێغەمبەر ئیبراهیم مشتومڕێكی زۆر لەبارەی شوناسی ئیبراهیم و شوێنی لەدایكبوونی هاتووەتە ئاراوە.

 

چەند توێژەرێكی شوێنەوارناسی بڵاویانكردەوەی ئەوەی پاپای ڤاتیكان سەردانی كردووە لە شاری ئوری پارێزگای زیقار ماڵی پێغەمبەر ئیبراهیم نەبووە، بەڵام سەردانەكە گرنگی زۆری هەیە لە ناساندنەوەی ئور وەك ڕووگەیەكی گەشتیاری و مەڵبەندێكی شارستانی لەسەر ئاستی جیهان.  

 

  پوختەی سەرەنجامی توێژینەوە شوێنەوارناسییە عێراقییەكان كە رۆژنامەی ئەلعەرەبی چاپی لەندەن بڵاویكردووەتەوە ( 13 ئازاری 2021) و "ناس كورد" خوێندنەوەی بۆ كردووە، ئاماژە بەوە دەكات سەراپای چیرۆكی ماڵی ئیبراهیم لەئور بەرمەبنای ڕاپۆرتی شوێنەوارناسێكی بەریتانییە (چارلز لیۆنارد وڵی) كە لەنێوان 1922_1934 لەوێدا كاریكردووە،  پێدەچێت ناوبراویش بۆ ڕازیكردنی سپۆنسەرە ئاینیە جولەكەكانی دۆزینەوەی ناوێكی هاوشێوەی ئیبراهیمی لەسەر هەڵكۆڵراوێك وەها ڕاڤە كردبێت كە ئەوە ماڵی پێغەمبەر ئیبراهیمی باپیرە گەورەی پێغەمبەرەكانی پاش خۆیەتی (موسی، عیسی، محمد).