گه‌ڕان

Shadow Shadow
سیاسه‌تی

وردەکاریى

هاوکات لەگەڵ هێرشە موشەکییەکەى هەولێر بنکەیەکى سەربازى تورکیا لە موسڵ کرایە ئامانج 

2021.04.14 - 22:38
App store icon Play store icon Play store icon
هاوکات لەگەڵ هێرشە موشەکییەکەى هەولێر بنکەیەکى سەربازى تورکیا لە موسڵ کرایە ئامانج 

ناس کورد- 

هاوكات لەگەڵ هێرشە موشەكيەكەى سەر فڕۆكەخانەى هەولێر چەند موشەكێك نران بە سەربازگەيەكەوە لە پارێزگاى نەينەوا كە سوپاى توركياى تێدايە و بەهۆشيەوە هاوڵاتييەكى مەدەنى بريندار بوو.

 

کەناڵی ناس کورد لە تێلیگرام جۆین بکە   

 

بەپێى زانيارى سەرچاوە ئەمنيەكان (14ى نيسانى 2021) كە "ناس كورد" بەدواداچونى بۆ كردووە، شەوى چوارشەممە دوو موشەك نراون بە سەربازگەى "زليكان" لە ناحيەى بەعشيقەى سەربە پارێزگاى نەينەوا.

 

بەپێى زانياريەكان، ئەو سەربازگەيە سوپاى توركياى تێدايە و موشەكى يەكەم لەناو سەربازگەكە كەوتووەتە خوارەوە و زيانەكانى نەزانراون، موشەكى دووەميش لەناو دێى زليكان كەوتووەتە خوارەوە بەهۆيەوە كچێكى گەنج بريندار بووە و برينەكەى مامناوەندە، تائێستا سەرچاوەى موشەكەكان ناديارە.

 

لەلايەكى ترەوە سەرچاوەيەكى ئەمنى ئەوەى بڵاوكردووەتەوە، موشەكەكان 3 بوون و لەناوچەى "شەلالات"ى پارێزگاى نەينەواوە هەڵدراون، سەربازگەكەش سوپاى توركيا و سوپاى عێراقى تێدايە، يەكێك لە موشەكەكانيش لە گوندى "كودات" كە نزيكە لە سەربازگەكە كەوتووەتە خوارەوە و بەهۆيەوە ژنێك بريندار بووە.

 

هاوكات لەگەڵ ئەم ڕووداوە، گولـلەيەكى كاتيۆش ئاڕاستەى بنكەيەكى سەربازى لە نزيك فڕۆكەخانەى نێودەوڵەتى هەولێر كراوە كە هێزەكانى هاوپەيمانانى تێدايە و بەپێى زانياريەكان هيچ زيانێكى گيانى لێنەكەوتووەتەوە و لێكۆڵينەوە بۆ دۆزينەوەى سەرچاوەكەى دەستى پێكردووە.